15:38, 17 - شىلدە 2018 | GMT +6
قاراعاندى- بالقاش تاس جولىنىڭ قۇرىلىسى بيىل باستالادى
الماتى. قازاقپارات - «قاراعاندى- بالقاش» تاس جولىنىڭ قۇرىلىسى بيىل تامىزدا باستالۋى مۇمكىن، دەپ حابارلايدى قازاقپارات ءتىلشىسى.
«جوبالىق سمەتالىق قۇجاتتاما دايىن. ءۇش مەردىگەر انىقتالدى. ۇزىندىعى شامامەن 367 ك م بولاتىن جول ۋچاسكەسى 2020 -جىلدىڭ كۇزىنە دەيىن پايدالانۋعا بەرىلەدى دەپ جوسپارلانىپ وتىر»، - دەدى «قاز اۆتوجول» ۇلتتىق كومپانياسىنىڭ باسپا ءسوز حاتشىسى باۋىرجان سەرىكبايەۆ.
ونىڭ ايتۋىنشا، جول سالۋعا قاراجات قىتاي ەكسپورت- يمپورت بانكىنەن الىنباق.
ۇلتتىق كومپانيا وكىلدەرى وسى جول پايدالانۋعا بەرىلسە ورتالىق- وڭتۇستىك اراسىنداعى جول بايلانىسىنىڭ ماسەلەسى شەشىلەتىنىنە ءۇمىتتى.
«قاراعاندى- بالقاش» جولى رەسپۋبليكالىق ماڭىزى بار ەكاتەرينبۋرگ- الماتى تاس جولىنىڭ ءبىر بولىگى.
بۇل جول قوستاناي، استانا، قاراعاندى قالالارى ارقىلى وتەدى.
اۆتور: گۇلميرا عوسمانالي