تەلەجۇرگىزۋشى ەركەكتەردىڭ قانداي ايەلدەرگە قۇشتار كەلەتىنىن ايتتى

None
None
 استانا. قازاقپارات - تەلەجۇرگىزۋشى، پروديۋسەر ماقپال قاراتاي ەر ادامدارعا ۇناۋ ءۇشىن ايەلدەرگە ارىق نە تولىق بولۋدىڭ ماڭىزدى ەمەس ەكەنىن ايتتى.

جاسى كەلگەن ەر ازاماتتاردىڭ جاس قىزدارعا نەلىكتەن قىرىندايتىنىن ءتۇسىندىردى.

«سونىمەن، ەركەكتەر قانداي ايەلدەرگە قىزىعادى، قانداي ايەلدەرگە قۇشتار؟ باياعىدا كۇيەۋىممەن رەنجىسىپ، بولماسا ارامىزدا سالقىندىق بايقالعاندا، بىردەن ارىقتاۋعا كوشەتىن ەدىم. ءالى ەسىمدە، ءبىر جىلى جەلتوقسان ايىندا ءبىر اي اشىعىپ، 13 كەلى ارىقتادىم. ءبىراق سودان كۇيەۋىممەن قارىم-قاتىناسىم كۇشتى بولىپ كەتتى دەپ وتىرىك ايتا المايمىن. كەيىن ءبىلدىم عوي، ءتۇردى ەمەس، مىنەزدى جوندەۋ كەرەكتىگىن.

اننا يوتكو ايەلدىڭ سىرتقى سىمباتىنا ەركەكتىڭ نازارى 4 سەكۋندقا عانا تۇسەدى دەيدى. راس، باستاپقىدا ولار ايەلدىڭ اجارىنا كوڭىل اۋدارعانىمەن، نەگىزگى باۋراپ الاتىن ايەلدىڭ بولمىسى ەكەن. ەركەكتەر قانداي ايەلدەرگە قاتتى قىزىعادى؟ يوتكونىڭ ايتۋىنشا - بۇل جاۋاپقا ايەلدىڭ فيگۋرگاسى، فورماسى، ءتۇرى، شاشى، كيگەن كيىمىنىڭ قاتىستى جوق. ولار ەكىنشى ورىندا. ەركەكتەر نەگىزىنەن ەندورفينى كوپ، ياعني باقىتتى ايەلدەرگە كوپ كوز سۇزەدى.

ەندورفين - باقىت، قۋانىش گارمونى. جاسى كەلگەن ەركەكتەردىڭ جاس قىزدارعا قىرىندايتىن سەبەبى دە سول. ويتكەنى ولاردىڭ بويىندا ەندورفين گارمونى ويناپ تۇر. قۋانسا، اسپانعا سەكىرەدى، وكپەلەسە بۇرتيا قالادى. ياعني ەشتەڭەگە باسىڭدى قاتىرمايتىن ءسات. كەيىن ۋاقىت وتە كەلە ءبىز تىرشىلىكتىڭ تۇيتكىلىمەن بۇل گارموندى ءوشىرىپ، وزگە گارموندارعا باسىمدىق تانىتىپ كەتەدى ەكەنبىز. قىرىققا جاسىمىز جاقىنداعاندا ءوزىمىزدى وزگەلەرمەن سالىستىرامىز. بىردەن «قاي جەرىم دۇرىس بولماي تۇر ەكەن؟» دەپ ويلايمىز. وزگەلەردىڭ ءومىرىن كورەمىز، قىزىعامىز. مۇنىڭ بارلىعى، باقىت، قۋانىش گارمونىنىڭ سونۋىنە الىپ كەلەدى.

ەركەكتەر ىشكى گارمونياسى بار، بالاشا قۋانا الاتىن، جەڭىل، ازات، جادىراپ-جايناپ، شاتتانىپ جۇرەتىن، ەشتەڭەگە باسىن اۋىرتپايتىن، وزگەدە جۇمىسى جوق،

ءوز باقىتى وزىندەگى ايەلدەرگە قاتتى قىزىعاتىن كورىنەدى. سوندىقتان، قىزدار بۇل جەردە تولىقتىق، ارىقتىقتىقتىڭ ەش قاتىسى جوق. جىگىتتەر قاباعىنان قار جاۋىپ جۇرەتىن 48 كەلى قىزدان گورى، فورماسى تومپاقتاۋ، ءبىراق كۇلىپ، باقىتتان باسى اينالىپ جۇرەتىن قىزدى تەز «ءىلىپ» اكەتەدى»، - دەپ جازدى تەلەجۇرگىزۋشى پاراقشاسىندا.

جەلى قولدانۋشىلارىنىڭ باسىم بولىگى بۇل ويدى قۇپتايتىندارىن ايتتى. كەلىسپەي ءوز پىكىرىن جازعاندار دا بار.

«كەلىسەم، ءدال سولاي، ەر ادامنىڭ كوڭىلىن تابۋ ايەلدەردىڭ وزىنە بايلانىستى»، «كەڭەسىڭىز كوپ ايەلگە جارار دەپ سەنەم»، «ەر ادامنىڭ كوڭىلىنەن شىعۋ ءۇشىن جاساندىلىقتىڭ نە كەرەگى بار. تابيعي قالپىڭدى ساقتاۋ كەرەك. ۇناتاتىن ازامات وعان قارامايدى. ەركەك ساناسىز بولعان سوڭ قىرىندايدى وزگەلەرگە»، - دەپ جازادى جەلىدەگىلەر.

 

Stan.kz

 

سوڭعى جاڭالىقتار