الماتى - قورعاس جولى جىل سوڭىنا دەيىن اقىلى بولادى

الماتى. قازاقپارات - الماتىدا باتىس ەۋروپا-باتىس قىتاي كولىك دالىزىنىڭ «الماتى قورعاس» بولىگىندەگى ينتەللەكتۋالدى كولىك جۇيەسىن اقىلى ەتۋ بويىنشا قوعامدىق تىڭداۋ ءوتىپ جاتىر، دەپ حابارلايدى قازاقپارات ءتىلشىسى.

جيىن بارىسىندا ماماندار جولدا قاشان اقىلى رەجىم ەنگىزىلەتىنىن ايتتى.

«ءبىز ءۇشىنشى توقساندا قىركۇيەكتە تەستىلىك رەجىمدە جۇمىس جاساي باستايمىز. العاشقى ءۇش ايدا كولىكتەر تىركەلگەنمەن، اقى تولەنبەيدى. جەلتوقسان نەمەسە قاڭتار ايىندا اقىلى رەجىم ەنگىزىلەدى»، - دەدى «قازاۆتوجول» ۇلتتىق كومپانياسىنىڭ باسپا ءسوز حاتشىسى باۋىرجان سەرىكبايەۆ.

ونىڭ ايتۋىنشا، تاريف مولشەرىن ۇكىمەت بەكىتەدى. شامامەن 1 شاقىرىم جول ءۇشىن 1 تەڭگە تولەنەدى.

«بۇگىندە 1 شاقىرىم جولدى ءجۇرىپ ءوتۋ قۇنى 1 تەڭگە. بۇل تاريف ءالى وزگەرگەن جوق»، - دەدى ول.

ۇلتتىق كومپانيانىڭ وكىلى ەرنار تولەگەنوۆ جول بويىندا ەكى تولەۋ پۋنكتى ورنالاستىرىلاتىنىن ايتتى.

ەكى پۋنكت اراسىندا كامەرالارمەن جابدىقتالعان 6 اركا، 6 مەتەوستانسا ورناتىلادى.

سونىمەن قاتار، «الماتى-قاپشاعاي» جول ۋچاسكەسىندە دە اقىلى رەجىم ەنگىزىلمەك.

جول اقىسىن تولەم پۋنكتتەرىندە، Qiwi تەرمينالدارىندا، كاسسا 24 جۇيەسىندە، ينتەرنەت ارقىلى (payway.kz)؛ بانك كارتاسىمەن، جەكە شوت ارقىلى (زاڭدى تۇلعالارعا) تولەۋگە بولادى.

ەگەر تۇلعالار جول اقىسىن تولەمەگەن جاعدايدا 7 كۇن ىشىندە تولەۋ تۋرالى حابارلاما جىبەرىلەدى. وعان جاۋاپ بولماعان جاعدايدا جەكە تۇلعالارعا - 5 ا ە ك، زاڭدى تۇلعالارعا 10 ا ە ك كولەمىندە ايىپپۇل سالىنادى.

اقىلى جول بولىگىن پايدالانعانى ءۇشىن اقى تولەۋدەن قىزمەت بابىنداعى ارنايى كولىكتەر، اقىلى جولعا جاقىن اۋىلداردى بايلانىستىراتىن جولاۋشىلار اۆتوبۋستارى، بەلگىلەنگەن اكىمشىلىك تەرريتوريالىق بىرلىكتە تىركەلگەن، وسى اۋداندا تۇراتىن جەكە جانە زاڭدى تۇلعالاردىڭ كولىكتەرى بوساتىلادى.