قازاقستاندا جاڭا ۇلتتىق كومپانيا قۇرىلادى
«بريتاندىق قۇرىلىمنىڭ بالاماسى بويىنشا ءبىز اكتسيونەرلىك قوعام فورماسىندا جاڭا ۇلتتىق كومپانيانى قۇرۋدى كوزدەپ وتىرمىز. ول بارلىق باقىلاۋ-قاداعالاۋ جۇمىسىن، تەحنيكالىق قىزمەت كورسەتۋدى، كادرلاردى دايارلاۋ جۇمىستارىن اتقاراتىن بولادى»، - دەلىنگەن مينيسترلىكتىڭ رەداكسياعا بەرگەن جاۋاپ حاتىندا.
ۆەدومستۆودا اتالىپ وتكەندەي، جاڭا كومپانيا جوعارى ەڭبەكاقىنى قامتاماسىز ەتىپ، شەتەلدىك مامانداردى قاجەتتى ماماندىقتارعا تارتۋعا، بىلىكتى مامانداردىڭ تاجىريبەسىن ۇلتتىق كادرلارمەن بولىسۋگە، شەت مەملەكەتتەردە ەڭبەك ءوتىلى مەن وقۋدى قامتاماسىز ەتۋگە جول اشادى.
«2019 -جىلدىڭ العاشقى توقسانىندا جاڭا كومپانيا جۇمىسىن باستاپ كەتەدى دەپ وتىرمىز. قازىرگى تاڭدا ءبىز ونىڭ قۇرىلىمىن تولىق اياقتاپ، مەملەكەتتىك ورگاندارمەن زاڭنامالىق تۇرعىداعى وزگەرىستەر بويىنشا كەلىسىپ، اتالعان ۇيىمنىڭ ارنايى مارتەبەسىن بەكىتكەلى، ياعني قابىلدانعان شەشىم تۇرعىسىندا مەملەكەتتىك دارەجەگە تەڭەستىرگەلى جاتىرمىز»، - دەيدى ساراپشىلار.
مينيسترلىكتە اتالىپ وتكەندەي، اتالعان قادام بارلىق قۇرىلىمدارعا جاۋاپكەرشىلىكتى ساقتاۋعا مۇمكىندىك بەرەدى.
«جىلدىڭ سوڭىنا دەيىن جوبانى پارلامەنت قاراپ، كەلەسى جىلدىڭ باسىنان باستاپ ول قولدانىسقا ەنگىزىلەدى»، - دەلىنگەن جاۋاپ حاتتا.