پاريجدە ۇلتتىق قۇرامانىڭ جەڭىسىنىڭ قۇرمەتىنە التى مەترو ستانساسىنىڭ اتى وزگەرتىلدى

پاريج. قازاقپارات - پاريج قالا كولىگى اۆتونومدىق باسقارماسى فرانسيا ۇلتتىق قۇراماسىنىڭ رەسەيدەگى فۋتبولدان الەم چەمپيوناتىندا جەڭىسكە جەتۋىنىڭ قۇرمەتىنە التى مەترو ستانساسىنىڭ اتاۋىن ۋاقىتشا وزگەرتۋ تۋرالى شەشىم قابىلدادى، دەپ حابارلايدى ت ا س س.

ستانسالاردىڭ اتاۋى بۇرىنعى اتتارىن ساقتاي وتىرىپ، سوزدەردى ويناتۋ ارقىلى وزگەرتىلگەن. وسىلايشا، Victor Hugo ستانساسى قۇرامانىڭ كاپيتانى جانە قاقپاشىسى ۋگو لوريستىڭ قۇرمەتىنە Victor Hugo Lloris دەپ اۋىستىرىلدى. Notre-Dame des Champs ستانساسى كوماندانىڭ باس باپكەرى ديدە دەشامانىڭ قۇرمەتى ءۇشىن Notre Didier Deschamps اتاۋىنا يە بولدى. سونداي-اق، ەليسەي دالاسىنداعى مەترو ستانسالارىنىڭ ءبىرى hamps-Elysees - Clemenceau ەندى Deschamps Elysees - Clemenceau دەپ اتالاتىن بولادى.

كوماندانىڭ باس باپكەرى مەن ويىنشىلارى دۇيسەنبى كۇنى ەليسەي دالاسىمەن ءجۇرىپ وتەدى، كەيىن ولاردى فرانسيا پرەزيدەنتى ەممانيۋەل ماكرون ەليسەي سارايىندا قابىلدايدى.

قۇرامانىڭ قۇرمەتىنە ەليسەي دالاسىنداعى تاعى ءبىر مەترو ستانساسى - Charles de Gaulle - Etoile-دىڭ اتى اۋىستىرىلادى. ول On a 2 Etoiles (بىزدە ەندى ەكى جۇلدىز بار) دەپ وزگەرمەك.

Avron ستانساسىنىڭ اتاۋى Nous Avron Gagne (ءبىز جەڭدىك)، ال توڭىرەگىندە سپورت كەشەنى، قارجى مينيسترلىگى ورنالاسقان Bercy ستانساسى (كوكتەرگە راحمەت) دەگەن اتقا يە بولدى.