الاكولدە دۋاتلوننان رەسپۋبليكالىق جارىس وتەدى

الماتى. قازاقپارات - 18- شىلدە كۇنى الماتى وبلىسى الاكول اۋدانىنىڭ اقشي اۋىلىندا دۋاتلوننان «الاكول-2018» رەسپۋبليكالىق جارىسى وتەدى، دەپ حابارلايدى قازاقپارات ق ر مادەنيەت جانە سپورت مينيسترلىگىنىڭ سپورت ىستەرى جانە دەنە شىنىقتىرۋ كوميتەتىنە سىلتەمە جاساپ.

جارىستى قازاقستان رەسپۋبليكاسىنىڭ مادەنيەت جانە سپورت مينيسترلىگى مەن شىعىس قازاقستان وبلىسىنىڭ اكىمدىگى ۇيىمداستىرىپ وتىر. دۋاتلون جارىستارى سالاۋاتتى ءومىر سالتىن ناسيحاتتاۋ، دەنە شىنىقتىرۋ مەن بۇقارالىق سپورتتى ودان ءارى دامىتۋ، سونداي-اق ىشكى تۋريزمدى دامىتۋ ماقساتتارىن كوزدەيدى.

جارىستار سپورتتىڭ ەكى تۇرىنەن وتەدى: قاتىسۋشىلار 5 شاقىرىمعا جۇگىرىپ، 10 شاقىرىمعا ۆەلوسيپەدپەن جارىسادى. جالپى قاشىقتىق - 15 كيلومەتر.

شاراعا ق ر مادەنيەت جانە سپورت ءمينيسترى ارىستانبەك مۇحامەدي ۇلى جانە بەلگىلى قازاقستاندىق سپورتشىلار قاتىسادى.