دەپۋتاتتار التايدان جىبەك جولىنا دەيىن ساياحاتقا اتتانادى

استانا. قازاقپارات - «ۇلى دالا ەلىنە ساياحات: التايدان جىبەك جولىنا دەيىن» اتتى ەكسپەديتسياسىنا بەلگىلى ساياحاتشىلارمەن بىرگە دەپۋتاتتار دا قاتىسادى.

بۇل تۋرالى بۇگىن استانادا وتكەن باسپا ءسوز ءماسليحاتىندا ايتىلدى، دەپ حابارلايدى قازاقپارات ءتىلشىسى.

اتالعان ەكسپەديتسياعا 140 قا جۋىق ادام اتتاناتىنى كۇتىلۋدە. ولاردىڭ قاتارىندا كاسىبي گيدتەر، تاجىريبەلى ساياحاتشىلار، جۋرناليستەر، تريەۆەل-بلوگەرلەر، سونداي-اق دەپۋتتار مەن مەديا تۇلعالار بار.

«ەكسپەديتسيا جۇمىسىنا وڭىرلەر بويىنشا جەرگىلىكتى دەپۋتاتتاردى قاتىستىرامىز. سەبەبى، بىزگە ماجىلىستە «قازاقستاندىق تۋريزم دەگەنىمىز نە، ءبىز نە كورسەتىپ، نە ۇسىنا الامىز؟» دەگەن سۇراقتاردى ءجيى قويادى. وسى ماقساتتا حالىق قالاۋلىلارى ءوز كوزدەرىمەن كورىپ كەلەتىن بولادى»، - دەدى «Kazakh Tourism» ۇ ك» ا ق باسقارما ءتوراعاسىنىڭ ورىنباسارى تيمۋر دۇيسەنعاليەۆ.

ايتا كەتەيىك، جاڭا تۋريستىك باعىتتاردى قالىپتاستىرۋ ءۇشىن 2018-جىلدىڭ 18- شىلدەسى مەن 29- قىركۇيەگى ارالىعىندا 6 باعىت بويىنشا 6 تۋريستىك كلاستەردى قامتيتىن، ماڭىزدى تابيعي نىساندارعا ەكسپەديتسيا ۇيىمداستىرىلاتىن بولادى. ماقسات - كيەلى مەكەندەردى زەرتتەۋ، ىشكى تۋريزم مەن ينفراقۇرىلىمدى دامىتۋ.

اۆتور: داۋلەت ىزتىلەۋ