وسكەمەندە العاشقى بۇيرەك الماستىرۋ وپەراتسياسى ءساتتى اياقتالدى

استانا. قازاقپارات - وسكەمەن قالاسىندا العاشقى بۇيرەك الماستىرۋ وپەراتسياسى ءساتتى اياقتالدى. اعزا ترانسپلانتاتسياسىن امان وتكەرگەن ەكى ناۋقاستىڭ ءبىرى بۇگىن ۇيىنە شىعارىلدى.

انار اۋباكىروۆانى سىرقاتى 3 جىل بۇرىن مازالاي باستاپتى. ال وتكەن جىلى جاساندى بۇيرەك اپپاراتىنا تاۋەلدى بولىپ قالعان ەدى. ءساتىن سالىپ انارعا تۋعان ءسىڭلىسىنىڭ اعزاسى سايكەس كەلگەن. وسىلايشا، استانا مەن الماتىداعى بىلىكتى مامانداردىڭ كومەگىمەن كۇردەلى وپەراتسيا جاسالدى. بارلىعى ناتيجەلى بولىپ، 50 جاستاعى كەلىنشەك قايتادان تولىققاندى ءومىر سۇرە الاتىن حالگە جەتتى. ەندى انار ۇيىنە جەتۋگە اسىق. جاساندى اپپاراتتان قۇتىلىپ، قاتارعا قوسىلعان كەلىنشەك وتاندىق دارىگەرلەردىڭ بىلىكتىلىگىنە ءدان ريزا.

 انار اۋباكىروۆا، ەمدەلۋشى:

 -  قازىر جاقسىمىن، 9 اي ۇيقتاعان جوقپىن. قازىر ۇيقىم جاقسى. ەندى بارلىعى ءوز ورنىنا كەلەدى دەپ ويلايمىن.

 سەرگەي بەلىح، ءبىرىنشى قالالىق اۋرۋحانانىڭ وپەراتسيا ءبولىمى مەڭگەرۋشىسى:

 -  وسى ءساتتى وتكەن ەكى وپەراتسيامەن شەكتەلمەۋمىمىز كەرەك. جوسپارىمىز ۇلكەن. ويتكەنى وڭىردە 160 ادام اعزا ترانسپلانتاتسياسىنا ءزارۋ. ەندى كۇز ايىندا تاعى ءبىر- ەكى ناۋقاسقا وسىنداي وپەراتسيا جاساساق دەپ جوسپارلاپ وتىرمىز.

www.24.kz