ۇمىتشاقتىقتى ەمدەۋ

 استانا. قازاقپارات - بۇرىن ۇمىتشاقتىق تەك جاسى ۇلكەيگەن ادامداردا عانا بولادى دەپ سانالاتىن.

ال قازىر دارىگەرلەر ۇمىتشاقتىق جاستاردا، ستۋدەنتتەر مەن مەكتەپ وقۋشىلارىندا دا بارىنا تاڭعالمايدى. بۇل جەردە اڭگىمە وقۋ ماتەريالىن ەسىنە ساقتاۋدا ەمەس، سەبەبى ونى ءجيى قىزىعۋشىلىقتىڭ جوعىنان ەستە ساقتامايدى. جاستار ۇلكەن جانە قارتايعان ادامدار سەكىلدى قاراپايىم زاتتاردى دا ۇمىتىپ قالادى.

بىرەۋ تانىس جەردە اداسىپ قالۋى مۇمكىن، جاقىندا بولعان وقيعانى، اڭگىمەنى ۇمىتىپ قالادى جانە ت. ب. ارينە، مۇنداي جاعداي جاسى ۇلكەيگەن ادامداردا ءجيى بولادى، ءبىراق ۇمىتشاقتىق سەبەبى كوپ جاعدايدا بىردەي بولىپ كەلەدى.

«ۇمىتشاق» ەمدەلۋشىلەر سانى كوبەيۋى باتىس دارىگەرلەرىن مازالاپ، ونى زەرتتەۋدى قولعا الىپ، جاڭا «اۋرۋ» ءتۇرىن تاپتى. ونى «قاربالاس ءومىر سيندرومى» دەپ اتادى. زاماناۋي ءومىردىڭ ادامدارى كىشكەنتاي كەزىنەن باستاپ جىلدام ءوتىپ جاتقان كوپتەگەن وقيعالارمەن تولتىرىلعاندىقتان، قالىپتى ەستە ساقتاۋ مۇمكىن ەمەس بولىپ ءجۇر.

بىزگە اقپاراتتىڭ كوپ كولەمى كەلەدى: تەلەديداردا بۇرىنعىداي بىرنەشە ەمەس، جۇزدەگەن كانال بار؛ جارنامانىڭ كوپتىگىنەن جانە قىلمىستىق جاڭالىقتاردىڭ سەبەبىنەن راديو اگرەسسيالىق اسەر بەرەدى؛ ءموبيلدى تەلەفوندا ۇنەمى وتىرۋ جانە ت. ب. ەڭبەككە قابىلەتتى جاستاعى ادامدار ءومىرىن ينتەرنەتسىز ەلەستەتە المايدى.

وسىلاي تاۋەلدىلىك تۋادى، بارلىق جۇمىس سونىمەن بايلانىستى بولعاندىقتان، كۇرەسۋ قيىن. مۇنىڭ بارلىعىن مي كوتەرە الماي، اقپاراتقا دەگەن جولدى «بۇعاتتايدى» . سوندىقتان، ادامداردىڭ كوپىشىلىگىندە ۇمىتشاقتىق اۋرۋعا جانە پسيحيكالىق اۋىتقۋعا جاتپايدى. مامانداردىڭ ايتۋىنشا، دەنى ساۋ ادام قالىپتى تۇردە ميعا كەلەتىن بارلىق اقپاراتتىڭ مينيمۋم 1/10 بولىگىن ۇمىتۋعا بەيىم، ال قازىرگى كەزدەگى قالىپتى اقپارات تۋرالى ايتپاي-اق قويسا دا بولادى. ۇمىتشاقتىق سەبەپتەرى ۇمىتشاقتىق پايدا بولۋىنىڭ ءجيى كەزدەسەتىن سەبەبى - ول ۇيقىنىڭ قانباۋى.

قازىرگى كەزدە وقيتىندار دا، جۇمىس ىستەيتىندەر دە ۋاقىتىمەن ۇيىقتامايدى. تۇنىمەن ۇيدە وتىرىپ، جۇمىسىن اياقتايدى نەمەسە تۇندە كينو قاراۋ، الەۋمەتتىك جەلىدە وتىرۋمەن ۋاقىت وتكىزەدى. ونىڭ ۇستىنە ەنەرگەتيكالىق سۋسىندار، ءتىپتى، كەيبىرەۋلەر ءدارى ءىشۋدى ادەتكە اينالدىرادى. ەگەر مۇنداي جاعداي سوزىلىپ كەتسە، ميعا دەمالىس بولماي، زەيىن اۋدارۋ ناشارلاپ، اقپاراتتى جاتتاۋ تومەندەپ كەتەدى.

سونىڭ سەبەبىنەن ءبارىن ۇمىتىپ جۇرەسىز. ۇمىتشاقتىقتىڭ تاعى ءبىر ءجيى كەزدەسەتىن سەبەبى - دۇرىس ەمەس سۋ ءىشۋ ءتارتىبى. ەگەر اعزاعا سۋ جەتىسپەسە، ءبىرىنشى كەزەكتە مي قينالادى. مي جۇمىسى ناشارلايدى.

سەبەبى ادامداردىڭ كوپشىلىگى سۋدى تازا كۇيىندە ەمەس، ونى شاي، كوفە، ءتاتتى سۋسىندار، گازدى سۋسىندار كۇيىندە ىشكەندى ءجون كورەدى. ۇمىتشاقتىق كۇيزەلىستەن دە پايدا بولادى. كۇيزەلىس كەزىندە ميعا ۇلكەن جۇك تۇسەدى، ال جۇيكە جۇيەسى دارۋمەندەر مەن مينەرالدار جوعالتادى. ارىقتاۋعا ارنالعان ۇيلەستىرىلمەگەن ديەتالار ۇمىتشاقتىققا اكەلەدى.

ارىقتاتاتىن ديەتا ۇستاناتىن ايەلدەر كوبىنەسە مايلار مەن كومىرسۋلاردى بىردەن ازايتادى، ال ول ءوز كەزەگىندە ميعا «شوك» بولادى. تەمەكى تارتۋ مەن الكوگول ءىشۋ ميدى ۋلايدى، ويلاۋ پروتسەسىن باياۋلاتىپ، قابىلداۋ جىلدامدىعىن تومەندەتەدى.

التسگەيمەر اۋرۋى ۇمىتشاقتىق ءتۇرلى اۋرۋلاردىڭ سەبەبىنەن پايدا بولۋى مۇمكىن، الايدا التسگەيمەر اۋرۋىنا جەكە توقتاعان ءجون. زاماناۋي مەديتسينا ەمدەۋگە كەلمەيتىن دەپ سانايتىن بۇل اۋرۋ جاسى ۇلكەيگەن ادامدار مەن قارتتاردا كەزدەسەدى، ءبىراق باستاپقى بەلگىلەرى 40 جاستان كەيىن دامۋى مۇمكىن. مۇنداي ەرتە پايدا بولۋ جاعدايى سيرەك كەزدەسەدى جانە تۇقىمقۋالاۋشىلىقپەن بايلانىستى.

التسگەيمەر اۋرۋىنىڭ نەگىزگى بەلگىسى - ەسكە ءتۇسىرۋدىڭ ناشارلاۋى جانە ونىڭ ودان ءارى كۇشەيە بەرۋى. بۇل اۋرۋ تۋرالى ماماندار ءالى كۇنگە دەيىن ناقتى ەشتەڭە ايتا الماي وتىر. نەيرون فۋنكتسيالارىنىڭ ءسونۋى اقپارات بەرۋگە جاۋاپتى نەيروترانسميتتەرلەر دەگەن ەرەكشە گورموندار دەڭگەيىنىڭ تومەندەۋىنەن تۋعان.

بۇل زاتتار ءبىزدىڭ ميىمىزدا امينقىشقىلدار سەبەبىنەن سينتەزدەلەدى. سايكەسىنشە، ەسكە ءتۇسىرۋ دە، زەيىن دە زات الماسۋعا جانە باسقا دا ومىرلىك ماڭىزى بار پروتسەستەرگە، ياعني ءومىر ءسۇرۋ سالتى مەن تاماقتانۋعا بايلانىستى. ۇمىتشاقتىقتى ەمدەۋ ەگەر زەرتتەۋ دەنساۋلىعىڭىزدان ءقاۋىپتى پروبلەما انىقتاماسا، ۋايىمداماڭىز، مۇنداي ۇمىتشاقتىقتى جەڭۋگە بولادى. تاجىريبە بويىنشا، ءجيى كوڭىل كۇيى ناشار بولاتىن ادامداردىڭ ەسكە ءتۇسىرۋى جىلدام السىرەيدى ەكەن. سوندىقتان ەڭ دۇىرىسى - وپتيميست بولۋ.

مي قان اينالىمىن جاقسارتۋعا سپورت كومەكتەسەدى. دۇرىس ءارى ۇيلەستىرىلگەن تاماقتانۋ - كوپتەگەن جاعىمسىزدىقتاردان قۇتىلۋدىڭ، سونىڭ ىشىندە ۇمىتشاقتىقتان ارىلۋدىڭ ءبىر ءادىسى. بۇل جەردە ميعا ارنالعان تاماقتانۋ تۋرالى ەسكە ءتۇسىرىڭىز. ۇمىتشاقتىقتان ارىلۋعا ەستى جاتتىقتىرۋ كومەكتەسەدى.

قانداي دا ءبىر اقپاراتتى الىپ، وعان تەرەڭىرەك ۇڭىلۋگە تىرىسىڭىز، سول كەزدە ول ەستە ءىزىن قالدىرادى. اقپاراتتى بەلگىلى سوزبەن بايلانىستىرا وتىرىپ، كودتاۋعا بولادى. ۇيىقتار الدىندا كۇنىڭىزدى قالاي وتكىزگەنىڭىزدى، ارەكەتىڭىزدى، وقيعالاردى، كەزدەستىرگەن ادامداردى، بارلىق ۇساق-تۇيەگىنە دەيىن ەسكە ءتۇسىرىڭىز. ۋاقىت وتە مۇنداي جاتتىعۋ كەرەمەت ناتيجە بەرەدى.

Massaget.kz