ترامپ ۆلاديمير پۋتيندى فۋتبولدان الەم چەمپيوناتىن جەمىستى وتكىزۋىمەن قۇتتىقتادى
ال كەلىسسوز شاھار ورتالىعىنداعى پرەزيدەنت سارايىندا ءوتىپ جاتىر. ەكى ەلدىڭ باسشىلارى تەك ءتىلماشتاردىڭ قاتىسۋىمەن سويلەسىپ ءجۇر. اق ءۇي باسشىسى ۆلاديمير پۋتيندى فۋتبولدان الەم چەمپيوناتىن جەمىستى وتكىزۋى جانە رەسەي قۇراماسىنىڭ جاقسى ويىن كورسەتۋىمەن قۇتتىقتادى. سونداي- اق ەكى ەل اراسىنداعى قوردالانعان كوپتەگەن وزەكتى ماسەلەنىڭ شەشىمى تابىلاتىنىنا سەنىم ءبىلدىردى.
باسقوسۋدا تاراپتار ەكىجاقتى قارىم- قاتىناس پەن سانكسيالار، سيريا مەن ۋكراينا داعدارىسى، يادرولىق قارۋسىزدانۋ سياقتى وزەكتى ماسەلەلەردى تالقىلاۋى مۇمكىن. اق ءۇي اكىمشىلىگىنىڭ حابارلاۋىنشا، جۇزدەسۋ 1 جارىم ساعاتقا سوزىلۋى مۇمكىن. وسىدان كەيىن باسقوسۋعا قالعان دەلەگاتسيا مۇشەلەرى قوسىلادى. ال كرەملدىڭ مالىمدەۋىنشە، كەزدەسۋدىڭ ۋاقىتى شەكتەلمەگەن. ايتا كەتەتىن جايت، ەكى ەل تاريحىندا قوس مەملەكەت باسشىسىنىڭ سامميتى العاش رەت كۇن ءتارتىبىنسىز ءوتىپ جاتىر. باسقوسۋدىڭ قورىتىندىسى بويىنشا ەكى ەل پرەزيدەنتىنىڭ بىرلەسكەن باسپا ءسوز ءماسليحاتى جوسپارلانعان.
www.24.kz