مەملەكەت باسشىسى ولجاس سۇلەيمەنوۆتى قابىلدادى

استانا. قازاقپارات - نۇرسۇلتان نازاربايەۆ قوعام قايراتكەرى ولجاس سۇلەيمەنوۆتى قابىلدادى، دەپ حابارلايدى اقوردانىڭ باسپا ءسوز قىزمەتى.

مەملەكەت باسشىسى بەلگىلى اقىن، قالامگەر، قازاقستاننىڭ ەڭبەك ەرى ولجاس سۇلەيمەنوۆتى قابىلدادى.

كەزدەسۋ بارىسىندا قازىرگى قازاق ادەبيەتىنىڭ وزەكتى ماسەلەلەرى مەن قوعامدى رۋحاني جاڭعىرتۋداعى ءرولى تالقىلاندى.

سونىمەن قاتار، ءسوز زەرگەرى الداعى شىعارماشىلىق جوسپارىن ورتاعا سالدى.

نۇرسۇلتان نازاربايەۆ ولجاس سۇلەيمەنوۆكە نەمەرەسى ەسكەندىردىڭ قايعىلى قازاعا ۇشىراۋىنا بايلانىستى كوڭىل ايتتى.