حورۆاتيالىق فۋتبولشى بارلىق اۋىلداستارىنىڭ نەسيەسىن جاۋىپ بەردى

None
None
استانا. قازاقپارات - فۋتبولدان حورۆاتيا ۇلتتىق قۇراماسىنىڭ مۇشەسى انتە رەبيچ باسىندا نەسيەسى بار اۋىلداستارىنىڭ بارلىق قارىزىن وتەپ بەردى.

بۇل تۋرالى vijesti.rtl.hr سايتىنا سىلتەمە جاساپ ەurosport حابارلايدى.

جارتىلاي قورعاۋشى انتە رەبيچ تۋىپ-وسكەن اۋىلدا قازىر 500-گە تارتا ادام تۇرادى.

«رەبيچ سپليت ماڭىنداعى ەلدى مەكەندە تۋىپ-ءوستى. 19 جاسىندا يتاليانىڭ «فيورەنتينا» كلۋبىنا كەتكەن بولسا دا، تامىر جايعان توپىراعىن ۇمىتپادى. كىشىگىرىم اۋىلدىڭ باسىندا نەسيەسى بار بارلىق تۇرعىندارىنىڭ قارىزىن تولەپ بەردى»، - دەپ جازادى Vijesti باسىلىمى.

ايتا كەتەيىك، رەبيچ حورۆاتيا ساپىندا رەسەيدە وتكەن 2018 -جىلعى الەم چەمپيوناتىنىڭ 6 كەزدەسۋىنە قاتىسىپ، ارگەنتينا قاقپاسىنا ءبىر گول سوقتى.

كەشە، 15 -شىلدەدە حورۆاتيا قۇراماسى فرانسيامەن فينالدىق ويىندا كەزدەسىپ، مۋنديالدىڭ كۇمىس جۇلدەسىن يەلەندى.

سوڭعى جاڭالىقتار