استانادا ۆەلوجولاقتار ءالى ءتورت جىل سالىنادى - اكىمدىك
«ءبىز ۆەلوسيپەد ينفراقۇرىلىمىن دامىتۋدىڭ بەس جىلدىق جوسپارىن ازىرلەدىك. وسى ورايدا الەمدىك تاجىريبەنى دە جان- جاقتى زەرتتەپ شىقتىق. ارنايى نۇسقاۋلىقتى دايىندادىق. جاڭادان قۇرىلىس نورمالارى مەن ەرەجەلەرىن دە جازىپ شىقتىق. ءسويتىپ، بارلىق جۇمىستاردى بەس جىلعا جوسپارلاپ قويدىق»، - دەدى ب. تايتاليەۆ حالىقارالىق ساۋلەتشىلەر كونگرەسىندە.
باسقارما باسشىسىنىڭ ايتۋىنشا، جوسپار ءۇش بولىمنەن تۇرادى. ءبىرىنشى بولىمگە سايكەس، مەكتەپ، بالاباقشا، دۇكەن جانە باسقا دا كۇندەلىكتى نىساندارعا دەيىن ۆەلوجولاقتار تارتىلۋى قاجەت. ودان كەيىن ساياباق سياقتى تىنىعۋ ورىندارىنا دەيىنگى ۆەلوجولاقتار بولۋى شارت. ال ءۇشىنشى ءبولىم اياسىندا تۋريستىك مارشرۋتتار بولادى. وندايدا قالانىڭ بارلىق ايشىقتى جەرلەرىن ۆەلوجولاقتارمەن ءجۇرىپ كورۋگە مۇمكىندىك جاسالادى.
«جالپى، قالا بويىنشا 1717 شاقىرىم ۆەلوجولدار سالىناتىن بولادى. بيىل 57 شاقىرىم توسەلدى. قالعانى الداعى ءتورت جىلدا جاسالادى. بۇنىڭ بارلىعى كولىكتەردى ازايتىپ، قالانىڭ ەكولوگياسىن ايتارلىقتاي جاقسارتادى دەگەن سەنىم بار»، - دەپ اتاپ كورسەتتى ب. تايتاليەۆ.
