ترامپ قىتاي مەن رەسەيدى «قارسىلاستار» دەپ اتادى
ول ەۋروپاداعى بۇرىننان بەرگى وداقتاستارىن ەرەكشە اتاپ، ولاردى ساۋدا كەلىسىمىندە ا ق ش- تى ءوز ماقساتىنا پايدالانىپ وتىر دەپ سانايتىنىن ايتتى.
«ءبىزدىڭ قارسىلاسىمىز كوپ دەپ ويلايمىن»، - دەدى پرەزيدەنت CBS News ارناسىنا بەرگەن سۇحباتىندا.
- ولار («قارسىلاس» دەپ اتاعان مەملەكەتتەردى ايتادى) ساۋدادا ا ق ش- تى ءسوزسىز پايدالانىپ وتىر. ونىڭ كوبى - ناتوعا مۇشە ەلدەر. وداقتاستار قورعانىس شىعىندارىن جالپى ىشكى ونىمدەرىنىڭ ەكى پايىزىنان ءوسىرۋ مىندەتىن ورىنداماي وتىر، - دەدى ترامپ.
سۇحباتتا ترامپ رەسەيدەن گەرمانياعا بالتىق تەڭىزى ارقىلى گاز جەتكىزۋ قۇبىرىنىڭ قۇرىلىسى جايلى ماسكەۋمەن كەلىسىمگە كەلگەن بەرليندى جانە ءبىر مارتە سىنايدى.
كوممۋنيستىك شىعىس ەۋروپادا وسكەن گەرمانيا كانتسلەرى انگەلا مەركەل بىرنەشە كۇن بۇرىن ترامپتىڭ سىنىنا «سوۆەت وداعى گەرمانيانى قالاي باقىلاۋدا ۇستاعانىن ءوز كوزىممەن كورگەنمىن» دەپ جاۋاپ بەرگەن.
ەۋروپا وداعىنىڭ ءتوراعاسى دونالد تۋسك تا ترامپتىڭ ەۋروپا ەلدەرىن سىناۋىن سوككەن. ول تۋيتتەردەگى پاراقشاسىندا «امەريكا مەن ە و - جاقىن دوستار. ءبىزدى جاۋ دەگەندەر جالعان اقپارات تاراتىپ ءجۇر» دەپ جازدى.
بىلتىر ا ق ش- پەن ساۋدادان تۇسكەن تابىسى 151 ميلليارد دوللارعا جەتكەن ەۋروپا وداعى ۆاشينگتونمەن باج سالىعىنا قاتىستى داۋلاسىپ قالعان. ترامپ ەۋروپادان كەلەتىن اليۋميني مەن بولاتقا سالىقتى كوبەيتكەن سوڭ، ەۋروپا وداعى ا ق ش تاۋارلارىنىڭ - بۋربون شارابى، دجينس پەن موتوتسيكلداردىڭ سالىعىن وسىرگەن.
بۇعان دەيىن ترامپ «پۋتين - مەنىڭ دوسىم ەمەس، مەن ونى جاقسى بىلمەيمىن ءارى ول مەنىڭ دۇشپانىم دا ەمەس. ول جاي عانا رەسەي پرەزيدەنتى»، - دەپ مالىمدەگەن.
«ازاتتىق»