جۇرگىزۋشى كۋالىگىن اۋىستىرۋ باعاسى قىمباتتاي ما؟

استانا. قازاقپارات - «ازاماتتارعا ارنالعان ۇكىمەت» مەملەكەتتىك كورپوراتسياسى مامانداندىرىلعان حالىققا قىزمەت كورسەتۋ ورتالىقتارىنا جۇرگىزۋشى كۋالىگىن اۋىستىرۋ ءۇشىن كەلەتىن ازاماتتاردىڭ سانى كۇرت وسكەنىن حابارلايدى.

بۇل تۋرالى قازاقپارات كورپوراتسياسىنىڭ باسپا ءسوز قىزمەتىنە سىلتەمە جاساپ حابارلايدى.

وسى ورايدا، ازاماتتار جۇرگىزۋشى كۋالىكتەرىن (ج ك) مامانداندىرىلعان ح ق و- عا بارماي-اق، كەز-كەلگەن ۋاقىتتا ەلەكتروندىق ۇكىمەت پورتالى ارقىلى اۋىستىرا الاتىنىن ەستەرىڭىزگە سالامىز. بۇل ءادىس ۇزىن-سونار كەزەكتە تۇرۋ ماجبۇرلىگىنەن قۇتقارىپ قانا قويماي، ۋاقىتتى ۇنەمدەۋگە دە مۇمكىندىك بەرەدى.

جۇرگىزۋشى كۋالىگىن ونلاين تارتىپتە اۋىستىرۋ قىزمەتىن الۋ وڭاي ءارى جىلدام. الدىمەن ەgov.kz پورتالىنا كىرىپ، ەلەكتروندىق ءوتىنىشتى تولتىرىپ، ەلەكتروندىق سيفرلىق قولتاڭبامەن راستاۋ قاجەت. وتىنىشپەن قوسا فوتوسۋرەت جانە قويعان قولىنىڭ سكان-سۋرەتى دە جولدانادى. جەكە كابينەتكە قۇجاتتىڭ دايىن بولعاندىعى تۋرالى حابارلاما كەلگەن سوڭ (موبيلدى ازاماتتار بازاسىنا تىركەلگەن جاعدايدا حابارلاما SMS تۇرىندە كەلەدى) مامانداندىرىلعان ح ق و- عا بارىپ، دايىن ج ك الىپ كەتۋگە بولادى.

بولىمگە بارعاندا، اۋىستىراتىن ج ك، جەكە باسىڭىزدى كۋالاندىراتىن قۇجاتتى، ءوتىنىش پەن باج سالىعىن تولەۋ تۋرالى ەلەكتروندىق چەكتى ۇسىنۋ قاجەت. ايتا كەتسەك، جۇرگىزۋشى كۋالىگىنىڭ باج سالىعى بۇرىنعىداي 1,25 ا ە ك، ياعني 3006,25 تەڭگەنى قۇرايدى.

ەگەر ج ك مەرزىمى ءوتىپ كەتسە، پسيحياترلىق جانە ناركولوگيالىق ديسپانسەردەن انىقتاما، 083-نىسانداعى مەديتسينالىق انىقتامانى اپارۋ قاجەت.

جۇرگىزۋشى كۋالىگىن ونلاين تارتىپتە اۋىستىرۋ قىزمەتىن بيىل جىل باسىنان بەرى 1,6 مىڭ ادام پايدالانعان.