قازاقستانعا كەلگەن شري-لانكا ازاماتى ۇستالدى
«الماتى شەكارالىق باقىلاۋ جاساعىنىڭ شەكاراشىلارى الماتى حالىقارالىق اۋەجايىندا وزگە ادامنىڭ شەتەلدىك پاسپورتىن كورسەتكەن شري-لانكا ازاماتىن ۇستادى. العاشىندا قۇجاتتاعى سۋرەت ەش كۇدىك تۋعىزباعان، شەتەلدىك قوناق تا ءوزىن سەنىمدى ۇستاعان. ءبىراق تاجىريبەلى شەكاراشىلاردىڭ قىراعى كوزىنەن سىر جاسىرۋ مۇمكىن ەمەس، 5-7 مينۋتتان سوڭ «شاقىرىلماعان قوناق» ءوز ايىبىن مويىندادى»، - دەلىنگەن شەكارا قىزمەتىنىڭ باسپا ءسوز قىزمەتى جىبەرگەن حابارلامادا.
شەتەلدىك ازامات جالعان قۇجاتتى ءوز ەلىندە 3500 ا ق ش دوللارىنا جاساتقانىن مالىمدەدى. ونىڭ ءوز قۇجاتىنىڭ بولماۋى جانە قازاقستانعا دەگەن «قۇلشىنىسى» سەبەبىن شري-لانكانىڭ ارنايى ورگاندارى انىقتايتىن بولادى.
شەكارا قىزمەتىنىڭ حابارلاۋىنشا، جالعان قۇجاتپەن ۇستالعان ازاماتتى الماتى-دۋباي رەيسىمەن دەپورتاتسيالاۋ جوسپارلانىپ وتىر.