ترامپ تاريحي سامميتكە قاتىسۋ ءۇشىن حەلسينكيگە كەلدى
ترامپ پەن ا ق ش- تىڭ ءبىرىنشى حانىمى مەلانيا حەلسينكيگە جەكسەنبى كۇنى كەشكە كەلىپ جەتتى، دەپ حابارلايدى قازاقپارات ءتىلشىسى USA Today سايتىنا سىلتەمە جاساپ.
سوڭعى توعىز جىل ىشىندەگى امەريكا مەن رەسەي سامميتى ترامپ ۇلى بريتانياعا كەلگەننەن كەيىن بىردەن حەلسينكيدە وتەتىن بولادى.
پۋتينمەن وتەتىن بەتپە-بەت كەزدەسۋگە شاقىرۋ تاراتىلمايدى. بار بولعانى، ترامپ ۆاشينگتون مەن ماسكەۋ اراسىنداعى ىنتىماقتاستىقتى نىعايتۋدى كوزدەيتىنى بەلگىلى بولدى.
وتكەن اپتادا بريۋسسەلدە باسپا ءسوز قىزمەتىنىڭ وكىلدەرىنە سۇحبات بەرۋ كەزىندە ترامپ وتكەن كەزدەسۋلەردە پۋتيننىڭ وتە سىپايى بولعانىن ايتتى.
«ول - ناعىز قارسىلاس. الايدا جاۋ دەمەيمىن. كۇندەردىڭ ءبىر كۇنى دوستاسىپ كەتەتىنىمىزگە سەنەمىن»، - دەدى ترامپ.
ترامپ پەن پۋتين اراسىنداعى كەزدەسۋگە حەلسينكي قالاسى جايدان-جاي تاڭدالمادى. تاريحي تۇرعىدان الىپ قاراعاندا، ءدال وسى فينليانديادا الدىمەن امەريكالىق جانە كەڭەستىك بيلىك وكىلدەرىنىڭ كەزدەسۋلەرى، ارتىنان امەريكا مەن رەسەيدىڭ كەلىسسوزدەرى جۇرگىزىلگەنى بەلگىلى بولدى. بۇعان ەلدىڭ گەوگرافيالىق ورنالاسۋى مەن بەيتاراپتىق ساياساتىن ۇستانۋى سەبەپ بولىپ وتىر.