كوز ءۇشىن ەڭ پايدالى جەمىس انىقتالدى

None
None
 استانا. قازاقپارات - اۋسترالياداعى سيدنەي ۋنيۆەرسيتەتىنىڭ عالىمدارى كوز ءۇشىن ەڭ پايدالى جەمىستى انىقتادى.

زەرتتەۋشىلەردىڭ سوزىنە سۇيەنسەك، اپەلسيننىڭ قابىعى مەن ەتىندە بولاتىن زاتتار كوز تورىن جاقسى ساقتايدى. ادامنىڭ جاسى ۇلعايعان سايىن كوز تورىندا تەرىس وزگەرىستەر كوپ بولادى.

بۇل تۋرالى «مەديكفورۋم» باسىلىمىنا سىلتەمە جاساپ Stan.kz اقپاراتتىق اگەنتتىگى حابارلايدى.

عالىمدار تسيترۋستى جەمىستەردى ءجيى تۇتىنۋعا كەڭەس بەرەدى.

«اپەلسين نەمەسە باسقا دا تسيترۋس جەمىستەرىن اپتاسىنا ءبىر رەت جەگەننىڭ وزىندە، كوزدىڭ دەنساۋلىعى اجەپتەۋىر جاقسارا تۇسەدى. ال كۇنىنە كەمى ءبىر اپەلسين جەسەڭىز، كوز تورىسىنىڭ وزگەرىسكە ۇشىراۋ قاۋپى بىردەن 60 عا تومەندەيدى»، - دەلىنگەن عالىمداردىڭ زەرتتەۋىندە.

اۆتورلار 15 جىل بويى اۋستراليالىقتاردىڭ ديەتاسى مەن كورۋ قابىلەتىن باقىلاۋعا ۇستاعان. كەيىننەن جانۋارلارعا تاجىريبە جاساعان زەرتتەۋشىلەر تسيترۋستى جەمىستەردىڭ ولاردىڭ كوز جانارىنا وڭدى اسەر ەتكەنىن بايقاعان. عالىمدار اتالعان زەرتتەۋدى ادامدارعا دا جۇرگىزىپ، تسيترۋستى جەمىستەردىڭ راسىمەن دە كوزگە پايدالى ەكەنىن دالەلدەدى.

عالىمدار قارتايعان شاقتا كەلەڭسىزدىك بولماس ءۇشىن بۇل جەمىستى جاس كەزدەن باستاپ كوپ تۇتىنۋعا كەڭەس بەردى.

سوڭعى جاڭالىقتار