قازاقستاندا دۇيسەنبى كۇنى اۋا رايى قۇبىلمالى بولادى

استانا. قازاقپارات - دۇيسەنبى كۇنى قازاقستاننىڭ باسىم بولىگىندە اتموسفەرالىق اعىنداردىڭ وتۋىنە بايلانىستى اۋا رايى قۇبىلمالى بولادى، دەپ حابارلايدى «قازگيدرومەت» ر م ك.

كاسىپورىن مالىمەتتەرىنە قاراعاندا، ەلىمىزدىڭ كەي جەرلەرىندە نايزاعاي ويناپ، بۇرشاق جاۋىپ، تەك ەلدىڭ وڭتۇستىگىندە عانا كۇن اشىق بولادى.

اقمولا، قوستاناي وبلىستارىندا كەي جەرلەردە نايزاعاي ويناپ، تۇمان ءتۇسىپ، جەلدىڭ كۇشى سەكۋندىنا 15-20 مەترگە جەتەدى.

سولتۇستىك قازاقستان وبلىسىندا جەل كۇشەيىپ، جىلدامدىعى سەكۋندىنا 15-20 مەتر بولادى.

الماتى، جامبىل وبلىستارىندا كەي جەرلەردە نايزاعاي ويناپ، الماتى وبلىسىندا جەلدىڭ جىلدامدىعى سەكۋندىنا 17-22 مەترگە جەتەدى.

ماڭعىستاۋ وبلىسىنىڭ كەي جەرلەرىندە جەلدىڭ جىلدامدىعى سەكۋندىنا 15-20 مەترگە جەتىپ، ارتى شاڭدى داۋىلعا ۇلاسادى.

باتىس قازاقستان، اتىراۋ وبلىستارىنىڭ ءبىرقاتار ايماقتارىندا نايزاعاي ويناپ، كۇندىز جەلدىڭ جىلدامدىعى سەكۋندىنا 15-20 مەترگە جەتەدى. اتىراۋ وبلىسىندا شاڭدى داۋىل كوتەرىلەدى.

پاۆلودار، قاراعاندا، شىعىس قازاقستان وبلىستارىندا جەلدىڭ كۇشى سەكۋندىنا 15-20 مەترگە جەتەدى. كۇندىز بۇرشاق جاۋۋى مۇمكىن.

الماتى، باتىس قازاقستان وبلىستارىنىڭ باسىم بولىگىندە جانە جامبىل، اقتوبە وبلىستارىنىڭ كەي جەرلەرىندە اپتاپ ىستىق بولادى. ماڭعىستاۋ، اتىراۋ وبلىستارىندا ەرەكشە قاتتى ىستىق بولادى.

ماڭعىستاۋ وبلىسى مەن قىزىلوردا، تۇركىستان، اتىراۋ وبلىستارى مەن باتىس قازاقستان، قاراعاندى، اقتوبە جانە جامبىل وبلىستارىندا ءورت قاۋپى ساقتالادى.