شىعىس قازاقستان حالقى امىرە قاشاۋبايەۆتى ەسكە الدى
ءانشىنىڭ تۋعان جەرى اقبۇلاق اۋىلىنا ەلىمىزدىڭ تۇكپىر-تۇكپىرىنەن ونەر جاناشىرلارى جينالىپ، ونەرپازدىڭ رۋحىنا تاعزىم ەتتى. حالىق ءانشى ەسكەرتكىشىنە گۇل شوقتارىن قويىپ، ەستەلىكتەر ايتتى.
قازاقتىڭ انشىلىك ونەرىن الەمگە تانىتقان امىرە قاشاۋباي ۇلىنىڭ ءومىر جولى مەن شىعارماشىلىعى ءالى دە زەرتتەلۋ ۇستىندە. ال اندەرى - ماڭگىلىك مۇرا. مەرەيتويعا ورايلاستىرىلعان رەسپۋبليكالىق مۋزىكالىق فەستيۆال اياسىندا اباي اسپانىندا شارىقتاعان قۇندى تۋىندىلار بۇعان دالەل. ءدۇبىرلى توي قازاق كۇرەسى مەن ات جارىسقا ۇلاستى.
«قازاقتىڭ ونەرىن، ءان ونەرىن شەتەلگە كىم تانىتتى دەگەندە ءبىرىنشى تەك قانا امىرەنى ايتۋىمىز كەرەك. قازىرگى زاماندا شەت ەلدەرگە شىعىپ، ءاندى ايتىپ جۇرگەن ادامدار وتە كوپ. ءبىراق امىرە العاش رەت 1925-جىلى شىعىپ، ەكىنشى ورىن الىپ، بۇكىل دۇنيەجۇزىن تاڭداندىرىپ، سونداي ونەرىمەن اسقاقتاندىرىپ، قازاقتىڭ مادەنيەتىن، ونەرىن اسپانعا شىعارعان ادام رەتىندە سانالادى»، - دەيدى قازاقستاننىڭ ەڭبەگى سىڭگەن قايراتكەرى جارقىن شاكارىم.