ماۋسىمدا ءبىر قىزمەتكەردىڭ ورتاشا ايلىق جالاقىسى قانشا بولدى؟

استانا. قازاقپارات - 2018-جىلعى مامىردا حالىقتىڭ ورتا ەسەپپەن جان باسىنا شاققانداعى اتاۋلى اقشالاي تابىستارى 84206 تەڭگەنى قۇرادى، دەپ حابارلايدى قازاقپارات ءتىلشىسى.

«2018-جىلعى مامىردا حالىقتىڭ ورتا ەسەپپەن جان باسىنا شاققانداعى اتاۋلى اقشالاي تابىستارى باعالاۋ بويىنشا 84206 تەڭگەنى قۇرادى. بۇل 2017-جىلعى مامىرعا قاراعاندا 5,1 پايىزعا جوعارى، ال ناقتى اقشالاي تابىس كورسەتىلگەن كەزەڭدە 1,1 پايىزعا تومەندەدى»، - دەلىنگەن ق ر ۇ ە م ستاتيستيكا كوميتەتى تاراتقان اقپاراتتا.

ۆەدومستۆو مالىمەتىنشە، 2018-جىلعى ماۋسىمدا ءبىر قىزمەتكەردىڭ ورتاشا ايلىق اتاۋلى جالاقىسى باعالاۋ بويىنشا 163604 تەڭگە بولدى.

ال 2018-جىلعى ماۋسىمدا جۇمىسسىزدار سانى باعالاۋ بويىنشا 434,4 مىڭ ادامدى قۇرادى. جۇمىسسىزدىق دەڭگەيى جۇمىس كۇشى سانىنىڭ 4,8 پايىزىنا تەڭ. جۇمىسپەن قامتۋ ورگاندارىندا جۇمىسسىزدار رەتىندە تىركەلگەندەر سانى 2018-جىلعى ماۋسىمنىڭ سوڭىندا 149,5 مىڭ ادامدى نەمەسە جۇمىس كۇشىنىڭ 1,7 پايىزىن قۇرادى.