قازاق بوكسشى گولليۆۋدتا امەريكالىق بوكسشىنى ەسەڭگىرەتىپ تاستادى

استانا. قازاقپارات - قازاقستاندىق بوكسشى اسحات ءۋاليحانوۆ (2-1، 2 ك و) گولليۆۋدتاعى (كاليفورنيا شتاتى، ا ق ش) Florentine Gardens ويىن-ساۋىق كەشەنىندە وتكەن بوكس كەشى اياسىندا جەكپە-جەككە شىقتى، دەپ حابارلايدى Sports.kz.

ءتورت راۋندقا ەسەپتەلگەن ايقاستا جەرلەسىمىز امەريكالىق دارەل حارريستى (1-2-1، 1 ك و) ەسەڭگىرەتىپ تاستادى. كەزدەسۋ سوڭىندا تورەشىلەر جەڭىستى ءبىراۋىزدان قازاقستاندىق بوكسشىعا بەرۋدى ۇيعارعان. وسىلايشا، ءۋاليحانوۆ كاسىپقوي بوكستاعى ءۇشىنشى جەڭىسىن ارقالاپ قايتسا، قارسىلاسى د. حارريس كەرىسىنشە ءۇشىنشى رەت سۇرىنگەن.

ەسكە سالايىق، اسحات وتكەن جىلدىڭ ءساۋىر ايىنان بەرى رينگكە شىققان جوق. ول كەزدە قازاقستاندىق بوكسشى امەريكالىق ەريك فاۋلەردى ەكىنشى راۋندتا نوكاۋتقا تۇسىرگەن بولاتىن. وعان دەيىن نيكاراگۋالىق كارلوس اگيلەرانى (12-50، 5 ك و) جەڭىپ شىقسا، ارتىنان مەكسيكالىق دانيەل باستەنادان (4-9، 1 ك و) ۇتىلىپ، بوكستان ۋاقىتشا شەتتەتىلگەن ەدى.