قىتاي حالىق رەسۋبليكاسىنداعى شيان قازاقستاندىق قالامەن باۋىرلاس بولادى

بەيجىڭ-شيان. قازاقپارات - قىتاي حالىق رەسۋبليكاسىنداعى قازاقستاننىڭ ەلشىسى شاحرات نۇرىشيەۆ قىتايدىڭ شانشي پروۆينتسياسىنىڭ شيان قالاسىنا جاساعان ءىس ساپارى اياسىندا شانشي پروۆينتسياسىنىڭ ۆيتسە-گۋبەرناتورى لۋ چجيۋانمەن جانە شيان قالاسىنىڭ مەرى شانگۋان جيتسزينمەن كەلىسسوزدەر جۇرگىزىپ قايتتى، دەپ حابارلايدى قازاقپارات ءتىلشىسى.

قازاقستان ەلشىسىنىڭ لۋ چجيۋانمەن كەزدەسۋى كەزىندە قوس تاراپ قازاقستان مەن شانشي پروۆينتسياسى اراسىنداعى ونەركاسىپ جانە ينۆەستيتسيا سالالارىندا بايلانىستى نىعايتۋ ماسەلەسىن تالقىلادى. سونداي-اق، قازاقستان ەلشىسى مەن شيان قالاسىنىڭ مەرى قازاقستان قالالارى مەن شياننىڭ اراسىندا دوستىق قارىم-قاتىناس ورناتۋ جانە ءوڭىرارالىق ىنتىماقتاستىقتى دامىتۋ ماسەلەسىنە قاتىستى پىكىر الماستى.

«شياندىق كاسىپكەرلەر «ءبىر بەلدەۋ - ءبىر جول» باستاماسىن جۇزەگە اسىرۋعا بەلسەندى تۇردە ارالاسىپ، قازاقستان ەكونوميكاسىنا قارجى قۇيۋعا ءازىر. سونىمەن قاتار، جەرگىلىكتى كاسىپورىندار قازاقستان رەسپۋبليكاسىنان ەكولوگيالىق تازا اۋىل شارۋاشىلىق ونىمدەرىن يمپورتتايدى. اتاپ ايتقاندا، ەلگە بال، سيىر مەن قوي ەتتەرىن، ءداندى داقىلداردى جەتكىزۋمەن اينالىسادى»، - دەدى شانگۋان جيتسزين.

بىيل تاراپتار 2013-جىلى ق ح ر باسشىسى شي جينپيڭ جاريالاعان «جىبەك جولىنىڭ ەكونوميكالىق بەلدەۋى» باستاماسىنىڭ ۇسىنىلعانىنا 5 جىل تولۋىن تويلايدى. وسى ۋاقىت ارالىعىندا ەلىمىزدىڭ شيان قالاسىمەن ساۋدا-ەكونوميكالىق، كولىك-لوگيستيكالىق جانە ينۆەستيتسيا سالالارىندا ىنتىماقتاستىعى نىعايدى.

وعان دالەل رەتىندە قىتايدان قازاقستان ارقىلى ترانزيتپەن ەۋروپا ەلدەرىنە وتەتىن «چانان - 1» كونتەينەرلىك پويىزىن ايتا كەتۋ كەرەك»، - دەدى قازاقستاندىق ديپلومات. شيان مەن قازاقستاندىق قالالاردىڭ ءبىرىنىڭ اراسىندا دوستىق قارىم-قاتىناس ورناتۋ تۋرالى كەلىسىمگە قول جەتكىزىلدى.