جاپونياداعى سۇراپىل تاسقىن: ىندەت قاۋپى ءتونىپ تۇر
تولاسسىز جاۋعان جاڭبىر ىلعالدىلىعى جوعارى اۋا تەمپەراتۋراسىنا ۇلاسىپ، وڭىردە 30 گرادۋس سەلسياعا دەيىن ىستىق باستالدى. قۇتقارۋشىلار اپات سالدارىنان اعىنمەن ۇيلەرى شايىلىپ كەتىپ، ءىز-ءتۇسسىز جوعالعان ونداعان ادامدى ىزدەستىرۋدە. ەكى ميلليونداي تۇرعىندى ەۆاكۋاتسيالاۋعا تۋرا كەلگەن. ولاردىڭ باسىم كوپشىلىگى ۇيلەرىنە قاشان ورالاتىندارىن دا بىلمەيدى.
سوڭعى دەرەكتەر بويىنشا، 200 مىڭنان استام ۇيدە اۋىز سۋ جەتىسپەۋدە. سونداي-اق، اۋرۋحانالاردا وتا جاساۋعا ءماجبۇر دارىگەرلەر دە سۋ تاپشىلىعىن سەزىنىپ جاتىر. ەۆاكۋاتسيالاۋ ورتالىقتارىنداعى ادامدار قاپىرىقتان قينالىپ، جاپون باسىلىمدارى اۋرۋدىڭ تارالۋىنىڭ قاۋپى جونىندە حابار تاراتىپ جاتىر.
200 دەن استام ادام تابيعي اپاتتىڭ قۇربانىنا اينالدى. پرەمەر-مينيستر سيندزو ابە اتالمىش جاعدايدىڭ سالدارىن جويۋ بويىنشا اتقارىلىپ جاتقان جۇمىستاردى جەكە باقىلاۋىنا الدى.