11:16, 14 - شىلدە 2018 | GMT +6
سەمسەرلەسۋدەن قازاقستان قۇراماسى قىتايدا وتەتىن الەم بىرىنشىلىگىنە اتتاندى
استانا. قازاقپارات - سەمسەرلەسۋدەن قازاقستان ۇلتتىق قۇراماسى الەم چەمپيوناتىنا قاتىسۋ ءۇشىن قىتايعا اتتانىپ كەتتى، دەپ حابارلايدى قازاقپارات ءتىلشىسى.
اتالعان بىرىنشىلىك شىلدەنىڭ 19-27 ارالىعىندا قىتايدىڭ ۋسي قالاسىندا وتەدى. وندا جالپى ەسەبى 12 جۇلدەلەر جيىنتىعى ساراپقا سالىنباق. بۇل الەمدىك سىندا قازاقستاندىق نوياندار دا ونەر كورسەتەدى.
ق ر ۇ و ك باسپا ءسوز قىزمەتى تاراتقان مالىمەتتەرگە سۇيەنسەك، اسپان استى ەلىندە ەرلەردەن رۋسلان كۋربانوۆ، دميتري الەكسانين، ەلمير اليمجانوۆ، ۆاليم شارلايموۆ جانە دميتري ادايكين ەل نامىسىن قورعايتىن بولسا، ايەلدەر اراسىندا تامارا پوچەكۋتوۆا، ايگەرىم سارىباي، ايبيكە حابيبۋللينا جانە تاتيانا پريحودكو سىنعا تۇسەدى.
اۆتور: كۇنسۇلتان وتارباي