+7 (701) 759 90 19 Лента
17 °С : استانا
17 °С : الماتى
USD 345.55 EUR 401.01
RUB 5.45 CNY 50.98
جاڭالىقتار

قازاقستاندىق بالۋان قىز وليمپيادا جولداماسىنا يە بولدى

14 شىلدە 11:02 259
:ءبولىسۋ
قازاقستاندىق بالۋان قىز وليمپيادا جولداماسىنا يە بولدى

استانا. قازاقپارات - ايەلدەر كۇرەسىنەن قازاقستان قۇراماسىنىڭ مۇشەسى نيلۋفار رايموۆا 3-جاس وسپىرىمدەر وليمپياداسىنا ليتسەنزيا جەڭىپ الدى، دەپ حابارلايدى قازاقپارات ءتىلشىسى.

ق ر ۇ و ك- ءنىڭ باسپا ءسوز قىزمەتى ءمالىم ەتكەندەي، نيلۋفار رايموۆا مامىر ايىندا تاشكەنتتە وتكەن ازيا چەمپيوناتىندا قولا جۇلدەگەر اتانعان بولاتىن. الايدا، كۇرەس تۇرلەرىندەگى جولداما تەك ءبىرىنشى ورىن يەمدەنگەن سپورتشىعا عانا بەرىلگەن ەدى. سول كەزدە جاپوندىقتار بەس سالماقتىڭ بارلىعىندا دا جەڭىمپاز اتانعان سوڭ، بىرەۋىنەن باس تارتۋعا ءماجبۇر بولعان. وسىلايشا، جاپونيالىق كوماندا 49 كەلىدەگى بالۋان اكاري فۋدجيناميدى وليمپياداعا اپارمايمىز دەپ شەشەدى.

وسى سالماقتا كۇمىس جۇلدەگەر اتانعان وزبەكستاندىق شوحيدا احمەدوۆا دا جولدامادان باس تارتىپ، جارتىلاي فينالدا بولاشاق چەمپيوننان جەڭىلگەن نيلۋفار رايموۆا ليتسەنزياعا يەلىك ەتتى.

«ءاربىر سپورتشىنىڭ جەڭىسىنىڭ ارتىندا ۇلكەن كوماندانىڭ ەڭبەگى تۇر. بۇل ۇجىمنىڭ دا ەڭبەگى. سوندىقتان، جاس سپورتىشىمىزعا ساتتىلىك تىلەيمىن»، - دەيدى ايەلدەر كۇرەسى بويىنشا فەدەراتسيانىڭ ۆيتسە-پرەزيدەنتى گۋزەل مانيۋروۆا.

ايتا كەتەيىك، جاس وسپىرىمدەر وليمپياداسى 6-18- قازان ارالىعىندا ارگەنتينانىڭ بۋەنوس-ايرەس قالاسىندا وتەدى.

اۆتور: كۇنسۇلتان وتارباي

 


باستى سوزدەر: سپورت,
:ءبولىسۋ
ونلاين قىزمەتكەرلەر
مۇراعات