دارىگەرلەر بالالاردى سۋبۇرقاقتارعا جىبەرمەۋگە كەڭەس بەردى

None
None
استانا. قازاقپارات - پاۆلودار وبلىسىندا 2018-جىلدىڭ التى ايى ىشىندە ءۇش بالا سەرروزدى مەنينگيت جۇقتىرعان، دەپ حابارلايدى pavlodarnews.

بۇل تۋرالى وڭىرلىك كوممۋنيكاتسيالار قىزمەتىندە وتكەن باسپا ءسوز ءماسليحاتىندا وبلىستىق قوعامدىق دەنساۋلىقتى ساقتاۋ دەپارتامەنتىنىڭ باسشىسى، پاۆلودار وبلىسىنىڭ باس مەملەكەتتىك سانيتاريالىق دارىگەرى يرينا سوروكينا ايتتى.

«ايماقتا مەنينگيتتى ينفەكتسيالار بويىنشا ەپيدەميولوگيالىق جاعداي تۇراقتالدى. مەنينگيت - بۇل مي مەن جۇلىننىڭ جۇمساق قابىقتارىنىڭ قابىنۋى. ءىرىڭدى جانە ۇيىما بولىپ بولىنەدى. پنيەۆموكوكك، گەموفيلدى تاياقشا سياقتى اۋىر ينفەكتسيالاردىڭ كەڭ تاراعان قوزدىرعىشى بولىپ تابىلادى. كوبىنەسە بەس جاسقا دەيىنگى بالالار اراسىندا كەزدەسەدى. اسىرەسە، جازعى شومىلۋ ماۋسىمىندا سەرروزدى مەنينگيت جۇقتىرۋ قاۋىپى جوعارى بولادى. سوندىقتان بالالاردى اشىق سۋ ايدىندارى مەن وزەندەرگە، سۋبۇرقاقتارعا جىبەرمەگەن دۇرىس. سەبەبى، ساپاسى كۇماندى سۋدىڭ استىندا جۇرگەن كەزدە ءتۇرلى ۆيرۋستى جۇقتىرۋى مۇمكىن»، - دەيدى يرينا سوروكينا.

دەپارتامەنت ۇسىنعان مالىمەتكە سۇيەنسەك، وڭىردە 2014-جىلى سەرروزدى (ۆيرۋستى) مەنينگيتتىڭ 296 وقيعاسى، 2016-جىلى - 50، 2016-جىلى - 51 جانە 2017-جىلى 12 جاعداي تىركەلگەن. كوپتەگەن جاعدايدا مەنينگيت ەنتەروۆيرۋسى سىرتقى ورتاعا وتە ءتوزىمدى، ياعني سۋ قۇبىرلارىندا 18 كۇنگە دەيىن، وزەندەردە ءبىر ايداي جانە تازارتىلعان سۋ كوزدەرىندە شامامەن ەكى اي ءومىر سۇرەدى.

باس مەملەكەتتىك سانيتاريالىق دارىگەر مەنينگيتتىڭ الدىن الۋ ءۇشىن جەكە باس گيگيەناسىن ساقتاۋعا كەڭەس بەردى.

«اۋرۋدى ءارتۇرلى جاستاعى ادامدار جۇقتىرۋى مۇمكىن. ءبىراق، كوبىنەسە بالالار ءجيى شالدىعادى. اسىرەسە، جاز-كۇز كەزەڭىندە ساقتىق تانىتقان ءجون. ۆيرۋستى مەنينگيت جوعارى قىزۋدان باستالادى. ءبىرىنشى-ەكىنشى كۇندەرى باسىلمايتىن قاتتى باس اۋرۋى، قۇسۋ، السىزدىك، كەي كەزدەرى سەرگەكتىك پەن قوزۋ بايقالادى. جوتەل، مۇرىننىڭ بىتەلۋى، تاماق پەن ءىشتىڭ اۋىرۋى مۇمكىن. سوندىقتان تەك قايناتىلعان سۋ ءىشىپ، بالالاردى شومىلۋ كەزىندە سۋدى ىشپەۋگە ۇيرەتۋ قاجەت. سونداي-اق، قاراپايىم جەكە گيگيەنا ەرەجەلەرىن ەستەن شىعارماعان ابزال. كوكونىس پەن جەمىس-جيدەكتى جۋىپ، عيماراتتاردى جەلدەتۋ، دەزينفەكتسيالىق، جۋۋ قۇرالدارىنىڭ كومەگىمەن ىلعالدى تازالاۋ جۇرگىزۋ قاجەت»،- دەيدى يرينا سوروكينا.

ەسكە سالا كەتەيىك، پاۆلودار وبلىسىندا بيىلعى جىلى قاڭتار جانە مامىر ايلارىندا ەكى بالا مەنينگوكوك جۇقپاسىنا شالدىققان. ءبىر جانە جەتى جاستاعى ەكى بالا ستاتسيوناردا ەم قابىلداپ، تولىعىمەن اۋرۋدان ايىعىپ شىقتى. بۇلدىرشىندەرمەن بايلانىستا بولعان 208 ادام تەكسەرىلگەن.

سوڭعى جاڭالىقتار