اتىراۋ تۇرعىنى ءۇيىنىڭ جانىنان اسكەري گراناتا تاۋىپ الدى

اتىراۋ. قازاقپارات - اتىراۋدا جەرگىلىكتى تۇرعىن اۋلاسىندا جەر قازۋ جۇمىستارى كەزىندە ەسكى توتتانعان «ف-1» اسكەري گراناتاسىن تاۋىپ الدى، دەپ حابارلايدى قازاقپارات ءتىلشىسى.

اتىراۋ وبلىستىق توتەنشە جاعدايلار دەپارتامەنتى باسپا ءسوز قىزمەتىنىڭ حابارلاۋىنشا، كەشە ساعات 21.27 دە اتىراۋ قالاسىنداعى موروزوۆ كوشەسىندە ورنالاسقان جەكەمەنشىك ءۇيدىڭ ماڭىنداعى جەر قازۋ جۇمىستارى كەزىندە ەر ادام ەسكى توتتانعان اسكەري گراناتانى تاۋىپ العان. «ارنايى ءىس-شارالار بارىسىندا توت باسقان «ف1» قول گراناتاسى ەكەنى انىقتالدى.

ساپەرلەر ونى پوليگونعا اپارىپ، جارۋ ارقىلى جويىپ جىبەردى. قۇربان بولعاندار مەن زارداپ شەككەندەر جوق»، دەپ حابارلادى وبلىستىق ت ج د باسپا ءسوز قىزمەتىنەن.