اقمولا وبلىسىندا جاڭا كىرپىش زاۋىتى ىسكە قوسىلدى

كوكشەتاۋ. قازاقپارات - اقمولا وبلىسىنىڭ سەلينوگراد اۋدانىندا جاڭا كىرپىش زاۋىتى ىسكە قوسىلدى، دەپ حابارلايدى قازاقپارات ءتىلشىسى ىشكى ساياسات باسقارماسىنا سىلتەمە جاساپ.

ۇقساس جاڭالىقتار قازاقستاندا قوقىستىڭ قانشا پايىزى قايتا وڭدەلەدى قازاقستان ءوندىرىسىنىڭ قاي سالالارىندا جالاقى جوعارى مەملەكەت باسشىسى ن. نازاربايەۆتىڭ «ءتورتىنشى ونەركاسىپتىك ريەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى قازاقستان حالقىنا ارناعان جولداۋىن جۇزەگە اسىرۋ شەڭبەرىندە اقمولا وبلىسىنىڭ يندۋستريالدى كارتاسىندا پايدا بولعان كەراميكالىق كىرپىش جانە ءىرى ءپىشىندى كەراميكالىق بلوكتار شىعاراتىن جاڭا زاۋىت بۇل جولى قابانباي باتىر اۋىلىندا اشىلىپ وتىر.

«اۆتوماتتاندىرىلعان جانە جاڭا تەحنولوگيانى قولدانا وتىرىپ، باسكەلەستىككە ساي ءونىم شىعاراتىن جاڭا زاۋىتتى «Astana Ceramics» ج ش س- گى مەملەكەتتىڭ قولداۋى جانە قارىزعا العان قارجىنىڭ كومەگىمەن سالعان. ول ءۇشىن «بيزنەستىڭ جول كارتاسى-2020» باعدارلاماسى ارقىلى 2,5 ميلليارد تەڭگە كولەمىندە نەسيە ءبولىندى. جوبانىڭ جالپى قۇنى 3,8 ميلليارد تەڭگەنى قۇرادى»، - دەپ ءتۇسىندىردى ىشكى ساياسات باسقارماسىنداعىلار.

قازىرگى زاماڭعى تەحنولوگيالارمەن جابدىقتالعان كاسىپورىندا جىلىنا 3 ميلليون دانا ءونىم شىعارۋعا بولادى. وعان قوسا، زاۋىتتا 50 جاڭا جۇمىس ورنى اشىلىپ وتىر. زاۋىتتىڭ اشىلۋى راسىمىنە قازاقستان رەسپۋبليكاسىنداعى يسپانيانىڭ توتەنشە جانە وكىلەتتى ەلشىسى پەدرو حوسە سانس سەررانو، «Beralmar Techologic S. A. » جانە «Talleres Felipe Verdes S. A» (يسپانيا)، سونداي-اق، «حاركوۆسكي ماشينوسترويتەلنىي زاۆود «پلينفا» چاو (ۋكراينا) كومپانيالارىنىڭ وكىلدەرى قاتىستى. «قۇرىلىس ماتەريالدارى «Made in KZ» ساۋدا بەلگىسىمەن شىعارىلادى. سوندىقتان، وبلىستا عانا ەمەس، رەسپۋبليكا اۋماعىندا دا جوعارى سۇرانىسقا يە بولماق»، دەپ تولىقتىردى ۆەدومستۆو.