تىكۇشاقتا تەمەكى شەككەن ۇشقىش جولاۋشىلاردى ولتىرە جازدادى
بۇل تۋرالى South China Morning Post حابارلادى.
وقيعا قىتايدىڭ داليان قالاسىنان گونكونگقا باعىت العان جولاۋشىلار ۇشاعىندا ورىن الدى. ۇشۋ كەزىندە شىلىم شەككەن ەكىنشى ۇشقىش اۋە كەمەسىنىڭ كومانديرىن ەسكەرتپەستەن سالقىنداتقىشتى ءوشىرىپ تاستاعان. ول جەلدەتكىشتى تەمەكى ءتۇتىنى جولاۋشىلار وتىرعان سالونعا كىرىپ كەتپەسىن دەپ ابايسىزدا ءوشىرىپ قويعان. سونىڭ ناتيجەسىندە ۇشاقتىڭ اپاتتىق تەتىگى ىسكە قوسىلىپ، وتتەگى ماسكاسى تۇسكەن.
وسىدان كەيىن ۇشاق 3048 مەترگە دەيىن تومەندەپ، ءبىرازدان سوڭ قايتادان تۇراقتى بيىكتىككە كوتەرىلدى. ابىروي بولعاندا ۇشاقتا بولعان 153 جولاۋشىنىڭ ەشقايسىسى زارداپ شەككەن جوق.
اۋەكومپانيا ساراپشىلارى وتتەگى دەڭگەيىنىڭ ازايۋىنا قاراماستان ۇشقىشتاردىڭ ۇشۋدى جالعاستىرۋىنا كەلىسىم بەرگەن.
«پايدالانىلعان وتتەگى ماسكالارىمەن ۇشۋدى جالعاستىرۋ ناعىز ەسسىزدىك بولدى. ەگەر تاعى دا اپاتتىق جاعداي قايتالانسا، جولاۋشىلار وتتەگىسىز قالاتىن ەدى » ، - دەپ ءتۇسىندىردى Cathay Pacific Airways ۇشقىشى دەۆيد نيۋبەري.