+7 (701) 759 90 19 Лента
-8 °С : استانا
-14 °С : الماتى
USD 375.90 EUR 423.56
RUB 5.55 CNY 54.06
جاڭالىقتار

ماسا شاعىپ مازالاسا دەنەڭىزدى باناننىڭ قابىعىمەن ءسۇرتىڭىز

14 شىلدە 00:02 605
:ءبولىسۋ
ماسا شاعىپ مازالاسا دەنەڭىزدى باناننىڭ قابىعىمەن ءسۇرتىڭىز

  استانا. قازاقپارات - جاز مەزگىلىندەگى باستى جاۋىمىز - ماسا. وعان تالانباۋعا قانشا تىرىسقانىمىزبەن قايدان كەلىپ قالاتىنى بەلگىسىز، شىم ەتكىزىپ شاعىپ كەتەدى.

ورنى قىشىپ مازاڭىزدى الاتىنى تاعى بار. «قانىشەر» جاندىكتىڭ سالىپ كەتكەن «بەلگىسىن» قاسىعان سوڭ نە بولاتىنى وزدەرىڭىزگە دە بەلگىلى. اللەرگياعا بەيىم جانداردىڭ دەنەسى ءبورتىپ، قىزارىپ كەتسە، ەندى ءبىرى بەتىن تىرناپ جارا ەتپەيىنشە تىنبايدى.

ال كىشكەنتايلاردى سابىرعا شاقىرۋ مۇمكىن ەمەس. شىرىلداپ شاققان جەردى قاسيدى. وسى كەزدە تەز ارادا باناننىڭ قابىعىن سىلىپ الىپ، ماسا شاققان جەردى ىسقىلايسىز. سول ساتتە- اق بالاپانىڭىزدىڭ اشۋى باسىلىپ، مازاسىزدانبايدى. بۇل ءادىستى وزىڭىزگە دە قولدانىپ كورىڭىز. ىسكەنى باسىلىپ، قىشىعانى توقتايدى.

تاعى ءبىر ەڭ جەڭىل ءتاسىل - سىلەكەي. ماسا نەگىزىنەن شىرت ۇيقىدا جاتقاندا شاعادى. ول كەزدە ورنىڭىزدان تۇرىپ، ماز، كرەم الىپ جاعۋعا ۇيقىنى قيمايتىنىڭىز انىق. دەرەۋ سىلەكەيىڭىزدى جاعىڭىز. گيگيەناعا ساي كەلمەسە دە، قىشىعانى باسىلىپ، ۇيقىڭىز تىنىش بولادى.

وعان قوسا، ءۇي جاعدايىندا ءتۇرلى ەم جاساۋعا بولادى. اتاپ ايتقاندا:

* ءتىس پاستاسى. مەيلىنشە قۇرامىندا مەنتول بار پاستانى قولدانعانىڭىز دۇرىس. ماسا جاققان جەرگە پاستانى جاعىپ قويساڭىز، دەنەڭىز قىشىمايدى ءارى بورتپەيدى؛

* اس سوداسى. 1 شاي قاسىق سودانى 1 اس قاسىق سۋمەن ارالاستىراسىز. دايىن بولعان بوتقانى ماسا جاققان جەرگە جاعىپ، 15-20 مينۋت جاتاسىز؛

* فۋراتسيلين. 1/2 ستاقان سۋعا 1 دانا فۋراتسيلين تابلەتكاسىن ەرىتەسىز. دايىن بولعان ەرىتىندىگە 3-4 قاباتتالعان داكەنى مالىپ الىپ، ماسا شاققان جەرگە تاڭاسىز. وسى ەمدى 2-3 رەت قايتالاساڭىز، دەنەڭىزدە ءىزى دە قالمايدى؛

* سپيرت. 1 اس قاسىق ءسپيرتتى 3 اس قاسىق سۋمەن ارالاستىرىپ، ماسا شاققان جەرگە كومپرەسس جاسايسىز. 10-15 مينۋتتان سوڭ ەمدى تاعى دا قايتالاساڭىز بولادى.


ماسا شاعىپ مازالاسا دەنەڭىزدى باناننىڭ قابىعىمەن ءسۇرتىڭىز

* پياز. قابىعىنان ارشىلعان پيازدى جىڭىشكە ەتىپ دوڭگەلەكتەپ تۋراڭىز. ونى ماسا شاققان جەرگە قويساڭىز، قىشىعانى باسىلىپ، ىسىنۋگە جول بەرمەيدى؛

* مۇز. ماسا شاققان جەرگە مۇزدىڭ دا تيگىزەر كومەگى وراسان. ول ءۇشىن مۇزداتقىشتاعى كەز كەلگەن مۇزدى الىپ، ماسا شاققان جەردى سۇرتەسىز؛

* جاڭادان سىعىلعان ليمون نەمەسە اپەلسين شىرىنى دا ماسا جاققان جەرگە ەم بولادى؛

* سارىمساق نەمەسە قىزاناقتىڭ تىلىگى دە دەنەنىڭ بورتۋىنە توقتاۋ بولىپ، قىشىعانى باسىلادى.

* بالدىڭ دا ماساعا قارسى كۇرەسەتىن قاسيەتى بار. ول ءۇشىن ماسا شاققان جەرگە جۇقا ەتىپ بال جاعىپ، 15 مينۋتتاي جاتاسىز.

* بىررەتتىك قالتاشاداعى شايدى قايناعان سۋعا سالىپ الىپ، سالقىنداعان كەزدە جاراقاتىڭىزعا تاڭساڭىز، كەرەمەت ناتيجەگە كۋا بولاسىز.

 

ءلاززات احمەتوۆا،

ERNUR. KZ.


باستى سوزدەر: قوعام,
:ءبولىسۋ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
مۇراعات