تالدىقورعاندا تۋريزمدى دامىتۋدىڭ جاڭا تەتىكتەرى تالقىلاندى

 استانا. قازاقپارات - الماتى وبلىسىنىڭ تۋريزم باسقارماسى الماتى وڭىرىندە ءتۋريزمدى دامىتۋدىڭ ماسەلەلەرى بويىنشا كەڭەس وتكىزدى.

 شارا مەملەكەت باسشىسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسى مەن «سيفرلى قازاقستان» باعدارلاماسى اياسىندا تۋريزم سالاسىن دامىتۋدىڭ تىڭ تەتىكتەرىن تالقىلاۋ ماقساتىندا ۇيىمداستىرىلدى، دەپ حابارلايدى قازاقپارات ءتىلشىسى.

وتىرىس بارىسىندا قازاقستاندىقتاردىڭ اراسىنداعى دەمالىس مادەنيەتىن قالىپتاستىرۋ، تۋريزم ستاتيستيكاسىن جولعا قويۋ، وبلىستىڭ تۋريستىك الەۋەتىنە قاتىستى مالىمەتتەردى سيفرلاندىرۋ بويىنشا ماسەلەلەر قارالدى.

2018 -جىلدىڭ 15 - مامىرىندا الماتى وبلىسىندا تۋريزم نىساندارىن ينۆەنتاريزاتسيالاۋ بويىنشا جوبا باستالعان بولاتىن. ونىڭ قورىتىندىسىنا سايكەس، الماتى وبلىسىندا ءتۋريزمدى وركەندەتۋدىڭ شەبەر- جوسپارى دايىندالىپ، تۋريستىك ينفراقۇرىلىم نىساندارى تسيفرلاندىرىلاتىن بولادى.

«ينۆەنتاريزاتسيا قورىتىندىسىنىڭ ارالىق ەسەبى كورسەتىپ وتىرعانداي، ءومىر سۇرۋگە ارنالعان ورىننىڭ سانى 833 كە، ال بوس ۋاقىتتى وتكىزۋگە ارناعان سۋبەكتتەردىڭ سانى 233 كە ارتقان» ، - دەيدى قازاقستاننىڭ تۋريستىك اگەنتتىكتەرى قاۋىمداستىعىنىڭ پرەزيدەنتى، «Open Travel Advisory» ج ش س باسشىسى اسەل نۇركەبايەۆا.

قاسيەتتى جەرلەر بويىنشا الماتى وبلىسىندا تۋريستىك ونىمدەردى دايارلاۋ ءۇشىن قازىرگى تاڭدا «Zhetysu Discovery-2018» اتتى عىلىمي ەكپەديتسيا ۇيىمداستىرىلىپ جاتىر.

«ەكسپەديتسياعا قاتىسۋشىلار بۇگىنگە دەيىن 24 تاريحي- مادەني نىسانداردى ارالاپ ۇلگەردى. ەكسپەديتسيا بارىسىندا تابىلعان بارلىق اقپاراتتار ارنايى تۋريستىك باعدارلامالاردى دايارلاۋدا نەگىز بولادى. سونىمەن بىرگە، الماتى وبلىسىنىڭ تۋريزم باسقارماسى TripAdvisor ونلاين- برونداۋ حالىقارالىق پلاتفورماسى نەگىزىندە ميكروسايتتاردى قۇرۋ بويىنشا جۇمىستاردى جۇرگىزۋدە» ، - دەدى الماتى وبلىستىق تريزم باسقارماسىنىڭ باسشىسى جانار الشىنبايەۆا.