+7 (701) 759 90 19 Лента
4 °С : استانا
9 °С : الماتى
USD 369.36 EUR 431.30
RUB 5.45 CNY 53.80
جاڭالىقتار

قازاقستاندا ءدارى- دارمەك ارزاندايدى

13 شىلدە 20:55 373
:ءبولىسۋ
قازاقستاندا ءدارى- دارمەك ارزاندايدى

 استانا. قازاقپارات - بۇگىندە حالىققا تەگىن تاراتىلاتىن دارىلەر «ەڭ ارزان باعا» قاعيداسى بويىنشا ساتىپ الىنادى. الداعى ۋاقىتتا اتالعان جۇيەنى بارلىق پرەپاراتتارعا تاراتۋ جوسپارلانعان، دەپ حابارلايدى قازاقپارات ءتىلشىسى.

ق ر دەنساۋلىق ساقتاۋ ءمينيسترى ەلجان ءبىرتانوۆتىڭ ايتۋىنشا، ءدارى- دارمەك جەتكىزۋشى كومپانيالار الدىمەن باعانى تىركەپ، اشىق كورسەتەدى. اتالعان باعا ناقتى دەرەكتەرگە نەگىزدەلۋى شارت. ول ءۇشىن 39 ەلدىڭ باعالارى الىنادى. ونىڭ ىشىندە ەۋروپا مەملەكەتتەرى دە بار.

«سەبەبى كەيبىر جەتكىزۋشى كومپانيالار ەۋروپاعا ارزان باعامەن تاسيدى. ال ەۋرازيالىق ەكونوميكالىق وداق ەلدەرىنە قىمباتقا ساتادى. وسىعان بايلانىستى ءبىز 39 ەلدىڭ قاتارىنا ەۋروپانى دا قوستىق. ءسويتىپ، بيۋدجەت تاراپىنان ساتىپ الىناتىن دارىلەردىڭ باعاسى ەڭ تومەنگى بەس باعانىڭ ىشىنەن تاڭدالادى» ، - دەدى ە. ءبىرتانوۆ استانادا وتكەن باسپا ءسوز ءماسليحاتىندا.

ونىڭ سوزىنە قاراعاندا، ازىرشە اتالعان جۇيە تەك مەملەكەتتىك ساتىپ الۋلارعا عانا تارالادى. الداعى ۋاقىتتا ونى بارلىق پرەپاراتتارعا تاراتۋ جوسپارلانىپ وتىر.

«قازىر بارلىق ءدارى- دارمەكتەردىڭ باعاسىن تىركەۋگە ارنالعان زاڭ جوباسى پارلامەنتتە جاتىر. اتالعان قۇجات ءبىرىنشى وقىلىمنان ءوتتى. جىلدىڭ اياعىنا دەيىن قابىلدانادى دەگەن سەنىم بار. ءسويتىپ، كەلەسى جىلدان باستاپ بارلىق مەديتسينالىق پرەپاراتتاردىڭ باعاسى تىركەۋگە الىنادى. ءونىم وندىرۋشىلەر ءوز باعاسىن سايتتار ارقىلى اشىق كورسەتەدى. ءبىراق باسقا مەملەكەتتەردىڭ باعالارىن دا سالىستىرمالى تۇردە كورسەتۋگە مىندەتتى بولادى. سوندا ءادىل باعا بولادى» ، - دەپ اتاپ كورسەتتى ە. ءبىرتانوۆ.

ايتا كەتەيىك، باسپا ءسوز ءماسليحاتىندا مينيستر بوسانعان ايەلدەردىڭ ولىمىنە سەبەپ بولاتىن نەگىزگى ماسەلەلەردى اتادى.

ونىڭ ايتۋىنشا، جىلدىڭ اياعىنا دەيىن تەگىن ءدارى- دارمەك ماسەلەسى تولىعىمەن شەشىلەدى.

ال ەمحاناعا تىركەلۋ ح ق ك و- لار ارقىلى جۇرگىزىلەدى.


باستى سوزدەر: قوعام,
:ءبولىسۋ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
مۇراعات