+7 (701) 759 90 19 Лента
-11 °С : استانا
-6 °С : الماتى
USD 371.56 EUR 422.43
RUB 5.56 CNY 53.51
جاڭالىقتار

ساپاربايەۆ ءتورتىنشى مۇناي وڭدەۋ زاۋىتىن اقتوبەدە سالۋدى ۇسىندى

13 شىلدە 20:07 15
:ءبولىسۋ
ساپاربايەۆ ءتورتىنشى مۇناي وڭدەۋ زاۋىتىن اقتوبەدە سالۋدى ۇسىندى

اقتوبە. قازاقپارات - اقتوبە وبلىسىنىڭ اكىمى بەردىبەك ساپاربايەۆ ءتورتىنشى مۇناي وڭدەۋ زاۋىتىن اقتوبەدە سالۋعا ۇسىنىس بەردى، دەپ حابارلايدى قازاقپارات ءتىلشىسى.

ۇكىمەت باسشىسى باقىتجان ساعىنتايەۆقا ءوڭىردىڭ دامۋى تۋرالى بايانداما جاساعان وبلىس اكىمى بەردىبەك ساپاربايەۆ بىرنەشە ۇسىنىس بەردى. الدىمەن ءتورتىنشى مۇناي وڭدەۋ زاۋىتىن اقتوبەدە سالۋ ويىن جەتكىزدى.

«مەملەكەت باسشىسى ءتورتىنشى مۇناي وڭدەۋ زاۋىتىن سالۋدى تاپسىردى. سوڭعى جىلدارى اقتوبەدە مۇناي ءوندىرىسى ارتتى. بيىل كەم دەگەندە 6 ميلليون توننا مۇناي وندىرىلەدى. وڭىردە 360 ميلليون توننا مۇناي قورى بار، ءارى جاڭاجول كەن ورنىندا تەمىرجول، تاسجول، جارىق، گازدىڭ ءبارى جەتىپ تۇر. ءبىز ارقىلى ەۋروپاعا دا، ازياعا دا وتۋگە بولادى. ءوتىنىشىمىز - ءتورتىنشى مۇناي وڭدەۋ زاۋىتىن اقتوبەدە سالۋ. ۇسىنىس ەنەرگەتيكا مينيسترلىگىنە بەرىلدى. ينۆەستورلار بار»، - دەدى وبلىس اكىمى بەردىبەك ساپاربايەۆ.

ۇكىمەت باسشىسى باقىتجان ساعىنتايەۆ ءتورتىنشى مۇناي وڭدەۋ زاۋىتىنىڭ جوباسى جاسالىپ جاتقانىن، قىركۇيەك ايىندا دايىن بولاتىنىن جەتكىزدى. ال جاڭا زاۋىتتىڭ قاي وڭىردە سالىناتىنى ازىرگە بەلگىسىز.

جيىن كەزىندە ءوڭىر باسشىسى بەردىبەك ساپاربايەۆ «بۇقارا - ورال» باعىتىندا ءۇشىنشى گاز قۇبىرىن سالۋ ۇسىنىسىن ايتتى. سەبەبى، ەكى گاز قۇبىرىنىڭ كۇشى سۇرانىستى تولىق قامتاماسىز ەتە الماي وتىر.

«قۇبىر ارقىلى ساعاتىنا 195 مىڭ تەكشە مەتر گاز جىبەرۋگە بولادى. قازىر 225 مىڭ تەكشە مەتر گاز وتكىزىلىپ جاتىر. قوسىمشا الەۋمەتتىك نىساندار سالىنسا، بارىنە گاز كەرەك. سوندىقتان ءۇشىنشى گاز قۇبىرىن مەملەكەتتىك- جەكەمەنشىك سەرىكتەستىككە سالۋعا ۇسىنىس بەرەمىز. اقتوبەدە التىن دا وندىرىلەدى. سوڭعى 50 جىلدا التىن رۋداسىنىڭ ءبارى رەسەيگە تاسىمالدانىپ جاتىر. ەندى ينۆەستورلار شيكىزاتتى جەرگىلىكتى جەردە وڭدەۋدى كوزدەپ وتىر. بيۋدجەتتەن 1 تەڭگە بولىنەتىن بولسا، 15 تەڭگە بولىپ كەرى قايتادى. التىن وندىرەتىن زاۋىتتىڭ ينفراقۇرىلىمىنا قوسىمشا قارجى سۇرايمىز»، - دەدى وبلىس اكىمى بەردىبەك ساپاربايەۆ.


باستى سوزدەر:
:ءبولىسۋ
سونداي-اق... وقىڭىز
ونلاين قىزمەتكەرلەر
مۇراعات