ديماش قۇدايبەرگەندى بەلارۋستا جانكۇيەرلەرى قالاي كۇتىپ الدى

None
None
 استانا. قازاقپارات - 2015 -جىلى «سلاۆيان بازارى» حالىقارالىق فەستيۆالىنىڭ جەڭىمپازى، قازاق اتىن الەمگە تانىتقان ديماش قۇدايبەرگەن بيىل ۆيتەبسككە تورەشى رەتىندە كەلىپ، فەستيۆال اياسىندا ءان شىرقادى، دەپ حابارلايدى قازاقپارات ءتىلشىسى.

2015 -جىلى قازاقستاندىق ءانشىنى فاناتتارى شات- شادىمان شاپالاقپەن جانە گۇل شوقتارىمەن كۇتىپ العان بولاتىن.

ارادا ءۇش جىل وتكەندە بەلارۋسكە تورەشى رەتىندە جولى تۇسكەن ءانشىنى جانكۇيەرلەرى ساحنادان جىبەرگىسى كەلمەي، اندەردى كوبىرەك ورىنداۋىن ءوتىنىپ، قولقا سالدى. «سلاۆيان بازارى» فەستيۆالىنىڭ جۇرگىزۋشىسى ءتىپتى رەسەيلىك ءانشى نيكولاي باسكوۆتىڭ گۇل شوقتارىنسىز قالعانىن ايتىپ، ازىلدەدى. وسىنىڭ ءبارىن بەلارۋس پرەزيدەنتى الەكساندر لۋكاشەنكو جىميىپ قانا تاماشالاپ وتىرعان بولاتىن.

 

فەستيۆالدىڭ اشىلۋ سالتاناتىندا ديماش قۇدايبەرگەن «S. O. S. d'un terrien en detressE» ءانىن ورىندادى. سونىمەن بىرگە، ول «ۇلى دالانىڭ ونەرى» اتتى گالا- كونتسەرتتە ءان شىرقادى. ول «Adagio» انىمەن قوسا ناعيما ەسقالييەۆامەن بىرگە «بەلوۆەجسكايا پۋشا» ءانىن اۋەلەتتى.

ءوزىنىڭ ينستاگرام پاراقشاسىندا قازاق ءانشىسى بەلارۋستاعى جانكۇيەرلەرىنىڭ قالاي شىعارىپ سالىپ جاتقانىن كورۋگە بولادى. فاناتتارىنىڭ ءبىرى انشىگە «ءبىز سەنى پيتەردە كۇتەمىز» دەپ تە ايتىپ قالدى. ءانشىنىڭ ينستاگرام پاراقشاسىنا جۇكتەلگەن شاعىن ۆيدەونىڭ استىنا فاناتتار ىستىق ىقىلاسى مەن تىلەكتەرىن جاۋدىرۋدا.

 

«قىمباتتى ديماش! كەشەگى ءانىڭ ءۇشىن كوپ راحمەت! ءسىزدىڭ پەرىشتە داۋىسىڭىزدى ەستىگەنىمە شىن جۇرەكتەن قۋانىشتى ەكەنىمدى جەتكىزە وتىرىپ، ءومىرىمنىڭ ەڭ ءبىر ايشىقتى ساتتەرىن باستان وتكەرگەنىمدى اتاپ وتكىم كەلەدى. فاناتتارىڭىزبەن از ۋاقىت كەزدەسۋ ءسىزدى شارشاتپادى دەگەن سەنىمدەمىز. بۇل ءبىز ءۇشىن ورىندالعان ارمان بولدى» ، - دەيدى ءانشىنىڭ جانكۇيەرلەرىنىڭ ءبىرى تەرەزا كاكول.

سوڭعى جاڭالىقتار