جەتى وبلىستا اۋا رايىنا بايلانىستى ەسكەرتۋ جاريالاندى

استانا. قازاقپارات - قازاقستاننىڭ بىرنەشە وبلىسىندا اۋا رايىنا بايلانىستى ەسكەرتۋ جاريالاندى، دەپ حابارلايدى قازگيدرومەت.

سولتۇستىك قازاقستان وبلىسىندا 14 - شىلدەدە كەي جەرلەردە كۇندىز سولتۇستىك- شىعىستان جىلدامدىعى سەكۋندىنا 15-20 مەترگە جەتەتىن جەل سوعۋى مۇمكىن، جەلدىڭ ەكپىنى سەكۋندىنا 25 مەتر اينالاسىندا بولادى. كەي جەرلەردە نايزاعاي ويناپ، داۋىل تۇرادى، بۇرشاق جاۋۋى ىقتيمال.

باتىس قازاقستان، اتىراۋ وبلىستارىندا 16-20 - شىلدە ارالىعىندا كەي اۋماقتاردا كۇندىز اۋا تەمپەراتۋراسى 40-42 گرادۋسقا دەيىن ىستىق بولادى دەپ بولجانۋدا. ماڭعىستاۋ وبلىسىنىڭ كەي جەرلەرىندە كۇن 43-45 گرادۋسقا دەيىن ىسيدى.

اقتوبە وبلىسىندا 17-20 شىلدە ارالىعىندا كەي جەرلەردە كۇندىز 41-43 گرادۋس ىستىق بولۋى ىقتيمال.

قوستاناي وبلىسىندا 18-20 شىلدەدە كەي جەرلەردە اۋا رايى تەمپەراتۋراسى 41 گرادۋسقا كوتەرىلەدى، ال قاراعاندى وبلىسىنىڭ كەي اۋماقتارىندا 40-43 گرادۋسقا دەيىنگى ىستىق كۇتىلەدى.

قوستاناي وبلىسىندا 14 - شىلدە ارالىعىندا كەي جەرلەردە نايزاعاي ويناپ، سولتۇستىك- شىعىستان جىلدامدىعى سەكۋندىنا 15-20 مەترگە جەتەتىن جەل سوعادى دەپ كۇتىلۋدە. كەي وڭىرلەرىندە كۇندىز بۇرشاق جاۋۋى ىقتيمال.