العاش رەت ادامداردىڭ ءتۇرلى- ءتۇستى رەنتگەن سۋرەتى جاريالاندى
بۇعان ەۋروپا يادرولىق زەرتتەۋلەر ورتالىعىندا (CERN) ازىرلەنگەن Medipix3 سەنسورلىق ميكروسحەماسىنىڭ ارقاسىندا قول جەتكىزىلگەن، دەپ حابارلايدى «قازاقپارات» مەنشىكتى ءتىلشىسى ۇيىمنىڭ سايتىنا سىلتەمە جاساپ.
Medipix فوتوكامەرا سياقتى جۇمىس ىستەيدى. ميكروسحەما ءاربىر جەكەلەگەن ۇساق بولشەكتى «كورەدى» . بۇل وتە تۇنىق كەسكىن تۇسىرۋگە مۇمكىندىك بەرەدى.
اكەلى- بالالى فيل جانە ەنتوني باتلەرلەر جاساعان جاڭا اپپارات ادام دەنەسىنىڭ ءارتۇرلى كومپونەنتتەرىن، مىسالى، ۇلپالاردى، سۋدى، سونداي- اق اۋرۋ بەلگىلەرىن تانيدى.
بۇعان دەيىن عالىمدار سكانەردى قاتەرلى ىسىكتى، سۇيەكتەر مەن بۋىنداردىڭ جاعدايىن، جۇرەك ۇستاماسى مەن ينسۋلتقا سەبەپ بولاتىن قان تامىرى اۋرۋلارىن زەرتتەۋگە پايدالانىپ كەلگەن بولاتىن.
«جۇرگىزىلگەن زەرتتەۋلەردىڭ باستاپقى ناتيجەلەرى ەمحانالاردا سپەكترالدىق ۆيزۋاليزاتسيانى قولدانۋ بارىنشا ءدال دياگنوز قويۋ مۇمكىندىگىن بەرەتىنىن كورسەتىپ وتىر» ، - دەيدى پروفەسسور ەنتوني باتلەر.