+7 (701) 759 90 19 Лента
20 °С : استانا
21 °С : الماتى
USD 342.49 EUR 400.85
RUB 5.51 CNY 51.33
جاڭالىقتار

ۇيعىر اۋدانىندا «قازاق تانۋ» جوباسى تالقىلاندى

13 شىلدە 16:30 496
:ءبولىسۋ

استانا. قازاقپارات-  الماتى وبلىسىنداعى ۇيعىر اۋدانىنىڭ ورتالىعى شونجى اۋىلىندا قازاقستان حالقى اسسامبلەياسىنىڭ قوعامدىق كەلىسىم كەڭەستەرىنىڭ جيىنى ءوتتى.

ول وڭىرلەردە «رۋحاني جاڭعىرۋ» باعدارلاماسىنىڭ جوبالارىن ىلگەرىلەتۋگە ارنالدى. بۇل باسقوسۋدا «قازاق تانۋ» عىلىمي- اعارتۋشىلىق جوباسىن جۇزەگە اسىرۋ ماسەلەلەرى جان- جاقتى تالقىلاندى.


ۇيعىر اۋدانىندا «قازاق تانۋ» جوباسى تالقىلاندى

 الماتى وبلىسىندا 627 قوعامدىق كەلىسىم كەڭەسى قۇرىلىپ، جۇمىس ىستەپ تۇر. ولار ءتۇرلى ەتنوس اراسىنداعى دوستىق قارىم- قاتىناس پەن اۋىزبىرشىلىكتى نىعايتۋعا اتسالىسىپ، كەڭ بايتاق قازاق جەرىن مەكەن ەتكەن ۇلتتار مەن ۇلىستاردى ءبىر ماقسات، ءبىر مۇددەگە جۇمىلدىرۋ جولىندا ايانباي ەڭبەك ەتىپ كەلەدى.

قازاقستان حالقى اسسامبلەياسىنىڭ «قازاق تانۋ» جوباسى بۇكىل حالىقتى شوعىرلاندىراتىن ورتاق قۇندىلىقتاردى قالىپتاستىرۋعا، قازاقتىڭ تاريحىن، مادەنيەتىن، فيلوسوفياسى مەن ەتيكاسىن دارىپتەۋگە باعىتتالعان. «ءبىز ورتاق تاريح، ازاماتتىق باستاۋلار نەگىزىندە قوعامدىق كەلىسىم مەن جالپى ۇلتتىق بىرلىكتىڭ قازاقستاندىق ۇلگىسىن ودان ءارى جەتىلدىرۋگە كۇش سالىپ، ەلىمىزدى گۇلدەندىرۋگە اتسالىسا بەرەتىن بولامىز» دەيدى جيىنعا قاتىسۋشىلار.

 جەڭىس تويشىبەكوۆ، ۇيعىر اۋداندىق قوعامدىق كەلىسىم كەڭەسىنىڭ ءتوراعاسى:

 - ءبىزدىڭ اۋدانىمىزدا 14 سەلولىق اكىمشىلىك بار. سول اكىمشىلىكتەردىڭ جانىندا قوعامدىق كەلىسىم كەڭەستەرىن قۇردىق بارلىق جەردە. ءبىزدىڭ اۋدان نەگىزىنەن ەكى ۇلتتان تۇرادى، قازاق پەن ۇيعىر. اۋىلدا ءارتۇرلى جاعداي بولىپ قالۋى مۇمكىن، اسىرەسە، جاستاردىڭ اراسىندا، بالالاردىڭ اراسىندا. مىناۋ بىرلىكتى ساقتاۋعا قوعامدىق كەلىسىم كەڭەستەرى ۇلكەن، زور جۇمىس اتقارىپ جاتىر.

عابيت تۇرسىنباي، وبلىستىق ق ح ا ءتوراعاسىنىڭ ورىنباسارى:

 - «قازاق تانۋ» دەپ اتالاتىن جوبانىڭ الداعى ۋاقىتتاعى اتقاراتىن مىندەتتەرىمىز، ماقساتتارىمىز جونىندە ايتىپ، تۇسىندىردىك. جەرگىلىكتى حالىقتىڭ پىكىرىن تىڭدادىق. بۇل جەردەگى اتقارىلىپ جاتقان ءىس- شارالار كوڭىلگە قونىمدى، ناتيجەلى جۇمىستار جاسالىپ جاتىر. حالىقتىڭ اراسىندا تۇراقتىلىق، بىرلىك بار.

www.24.kz


:ءبولىسۋ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049
مۇراعات