ترامپ: بريتانيانىڭ ەۋرووداقپەن وڭاي «اجىراسۋىنىڭ» سوڭى جاقسىعا اپارمايدى

استانا. قازاقپارات - ەگەر ۇلى بريتانيا ەۋرووداقتان تەرەزا مەيدىڭ جوسپارى بويىنشا شىعاتىن بولسا، ا ق ش بۇل ەلمەن ساۋدا كەلىسىمىن جاساي المايدى.

مۇنداي مالىمدەمەنى پرەزيدەنت دونالد ترامپ وسى مەملەكەتكە ساپارى كەزىندە جەرگىلىكتى The Sun گازەتىنە بەرگەن سۇحباتىندا جاسادى.

 ويتكەنى لوندوننىڭ بريۋسسەلمەن تىعىز بايلانىس ورناتۋعا تالپىنىسىنان ا ق ش بۇل ەلدەن گورى وسى ۇيىممەن بايلانىس ورناتۋعا ءماجبۇر بولادى. ترامپ سونداي- اق تەرەزا مەيدىڭ وسى ماسەلەنى ءتۇسىندىرىپ، وداقپەن قانداي كەلىسىم جاساۋ كەرەكتىگى تۋرالى كەڭەسىنە قۇلاق اسپاعانىن ايتقان. ال سۇحبات تۋرالى مەي اق ءۇي باسشىسىنا بەرىلگەن اس كەزىندە بارىپ بىلەدى. ءبىراق داۋنينگ- ستريت وعان قاتىستى ءالى رەسمي مالىمدەمە جاساعان جوق.

ەسكە سالا كەتەيىك، وتكەن اپتادا بريتانيا ۇكىمەتى ەۋرووداقپەن كەلەشەك قارىم- قاتىناس تۋرالى ورتاق جوسپارىن قابىلدادى. الايدا Brexit بويىنشا باستى مامىلەگەر دەۆيد دەۆيس پەن سىرتقى ىستەر ءمينيسترى بوريس دجونسون ۇلى بريتانيا بۇل ارقىلى وداققا كوپ جەڭىلدىك جاساپ وتىر دەپ قىزمەتتەرىنەن كەتتى. ال جوسپارعا سايكەس، ۇلى بريتانيا وداقپەن ونەركاسىپتىك جانە اۋىلشارۋاشىلىق تاۋارلارى ءۇشىن ورتاق ءتارتىبى بار ەركىن ساۋدا ايماعىن قۇراتىن بولىپ شەشكەن.

www.24.kz