15:30, 13 - شىلدە 2018 | GMT +6
قاراعاندىدا جانارماي بەكەتىنە جاي ءتۇسىپ، جارىلىس بولدى
قاراعاندى. قازاقپارات - قاراعاندىدا اۆتوجانارماي قۇيۋ ستانسالارىنىڭ بىرىنە نايزاعاي ءتۇسىپ، جارىلىس بولدى، دەپ حابارلايدى قازاقپارات ءتىلشىسى.
كۋاگەرلەردىڭ ايتۋىنشا، جارىلىس 12 - شىلدەدە بولعان. قاتتى تارس ەتكەن داۋىس شىعىپ، جانارماي بەكەتىنىڭ تاس- تالقانى شىققان.
قاراعاندى وبلىستىق ت ج د- دا حابارلانعانداي، 12 - شىلدەدە 15:43 تە سوۆحوزنايا كوشەسىنىڭ بويىنداعى «ۆيتا مارس» اۆتوجانارماي قۇيۋ ستانساسىنا نايزاعاي تۇسكەنى تۋرالى حابارلاما تۇسكەن. وقيعا ورنىنا 5 تەحنيكا مەن ءورت سوندىرۋشىلەر جانە قۇتقارۋشىلاردان قۇرالعان 24 ادام بارعان.
وقيعا ورنىندا نايزاعاي سوعۋى سالدارىنان 4 جانارماي قۇيۋ باعانىنىڭ قيراعانى انىقتالعان.
« ءورت سوندىرۋشىلەر جانارماي قۇيۋ باعاندارى مەن جانار- جاعارماي ماتەريالدارىن ساقتايتىن ىدىستاردى سالقىنداتۋ جۇمىستارىن جۇرگىزدى. ءورت بولعان جوق» ، - دەپ ءتۇسىندىردى ۆەدومستۆودا.