تۇرعىن ءۇي قۇرىلىس جيناق بانكى ۇزىن-سونار كەزەكتەن قۇتىلۋ جولدارىن قاراستىرۋدا
العاشقى 8 توپ الماتى قالاسىندا قۇرىلدى، الداعى ۋاقىتتا بۇل باستاماعا باسقا دا ايماقتار قوسىلادى.
اتالعان شەشىم بانك فيليالدارىنداعى ادام سانىن ازايتۋ ءۇشىن قابىلدانىپ وتىر. جاڭا تۇرعىن ءۇي باعدارلاماسى ىسكە قوسىلعان سوڭ بولىمشەلەردەگى كليەنت سانى بىرنەشە ەسە ارتقان بولاتىن. استانا مەن الماتىدا ورنالاسقان ەڭ ءىرى بولىمدەر كۇنىنە 1500-1900 ادامنان قابىلداپ جاتىر.
بانك مەنەدجەرىنىڭ قىزمەتىن الۋ ءۇشىن ەڭ ۇزاق كەزەكتە ەلوردا تۇرعىندارى تۇرۋعا ءماجبۇر. سەبەبى جالپى كەڭەس بەرۋ مەن 7-20-25 باعدارلاماسى بويىنشا ءوتىنىم قابىلداۋدان بولەك تۇرعىن ءۇي قۇرىلىس جيناق بانكىنىڭ استانالىق فيليالدارىندا «نۇرلى جەر» باعدارلاماسى اياسىندا 300 دەن استام زاەم رەسىمدەلىپ، بەرىلىپ جاتىر. بۇدان بولەك «ءوز ءۇيىم» باعدارلاماسى بويىنشا دا 162 پاتەر ساتىلۋدا.
سونداي-اق بانك قازىر اسكەري قىزمەتشىلەرمەن دە بەلسەندى جۇمىس جۇرگىزىپ وتىر. استانادا اسكەريلەردىڭ 3500 دەي ارنايى شوتىنا قىزمەت كورسەتىلەدى.
- وسىنداي جاعدايدىڭ ورىن الىپ، بانك كليەنتتەرىنىڭ ۋاقىتىن كەزەكتە تۇرۋعا جۇمساپ جاتقاندارىنا وكىنىشىمىزدى بىلدىرەمىز. باستاپقى كەزەڭدە بولىمشەلەرىمىزدى شتاتتان تىس كەڭەسشىلەرمەن قوسىمشا كۇشەيتتىك. سالىمشىلارىمىز بانكتىڭ قازىرگى جۇمىسىنىڭ بىزگە حابارلاسقان ءار كليەنتتىڭ قاجەت اقپارات الىپ، ماسەلەسىن بارىنشا جىلدام جانە جايلى شەشۋگە باعىتتالىپ جاتقانىن ءبىلۋى كەرەك، - دەپ ءتۇسىندىرىپ ءوتتى تۇرعىن ءۇي قۇرىلىس جيناق بانكى باسقارما ءتورايىمىنىڭ ورىنباسارى جانار جۇبانيازوۆا.
ول قازىرگى ۋاقىتتا بانكتىڭ بولىمشەگە بارماي-اق كەڭەس الۋعا ارنالعان ءتۇرلى قۇرالدار مەن ادىستەردىڭ ۇسىنىپ وتىرعانىن ەرەكشە اتاپ ءوتتى.
مىسالى، كليەنتتەردە ۆيدەو بايلانىس ورناتۋ ارقىلى قاشىقتان كەڭەس الۋ مۇمكىندىگى بار. ول ءۇشىن hcsbk.kz سايتىنا نەمەسە baSpana.kz پورتالىنا ءوتىپ، وڭ جاقتا ورنالاسقان ۆيدەو بايلانىس بەلگىسىنە باسۋ كەرەك. بۇل قىزمەتتى سمارتفون ارقىلى دا، كادىمگى كومپيۋتەر ارقىلى دا الۋعا بولادى.
ۆيدەو كەڭەس الۋ قىزمەتىنىڭ كومەگىمەن كليەنت دەپوزيت جانە نەسيە، جاڭا كەلىسىمشارت بەكىتۋگە قاتىستى كەڭەس الىپ، شوت بويىنشا كوشىرمە رەسىمدەپ، پوستدەپوزيتتىك وپەراتسيالار جۇرگىزىپ، انىقتامالار الا الادى. سونداي-اق تۇرعىن ءۇي قۇرىلىس جيناق بانكى مەنەدجەرى جاڭا قىزمەتتىڭ كومەگىمەن كەڭەس بەرۋدەن بولەك سايتپەن، «ج س س ب 24» ينتەرنەت-بانكينگىمەن جانە BaSpana.kz جىلجىمايتىن مۇلىك پورتالىمەن جۇمىس جۇرگىزۋگە كومەكتەسەدى.
قىزمەتتى جۇمىس كۇندەرى 9.00 مەن 19.00 ارالىعىندا پايدالانۋعا بولادى. ال سەنبى كۇندەرى وپەراتور 9.00 دەن 13.00 گە دەيىن جۇمىس ىستەيدى.
تۇرعىن ءۇي قۇرىلىس جيناق بانكى كليەنتتەرىنىڭ %60 دايى ۇيدە نەمەسە جۇمىستا وتىرىپ-اق كەڭەس الىپ، ءتىپتى دەپوزيت اشىپ جاتادى. بۇل بانك كەڭەسشىلەرىنىڭ ارقاسىندا مۇمكىن بولىپ وتىر. ولاردى وزىڭە ىڭعايلى ۋاقىتتا جانە ورىنعا شاقىرۋ ءۇشىن كەلەسى سىلتەمە ارقىلى ءوتىپ، قالانى تاڭداپ، بايلانىسۋ كەرەك: https://hcsbk.kz/contacts/network-agents/.
سونىمەن قاتار كەڭەس الۋ ءۇشىن بانكتىڭ كولل-ورتالىعىنا 300 ءنومىرى بويىنشا قوڭىراۋ شالۋعا، hcsbk.kz سايتىندا «كەرى بايلانىس» فورماسىن پايدالانۋعا نەمەسە Facebook, Instagram جانە ۆكونتاكتە الەۋمەتتىك جەلىلەرىندەگى رەسمي پاراقشالارعا حابارلاسۋعا بولادى.