+7 (701) 759 90 19 Лента
16 °С : استانا
19 °С : الماتى
USD 343.06 EUR 402.38
RUB 5.49 CNY 51.34
جاڭالىقتار

قازاق ادەبيەتى يسپان تىلىنە اۋدارىلادى

13 شىلدە 12:53 257
:ءبولىسۋ
قازاق ادەبيەتى يسپان تىلىنە اۋدارىلادى

استانا. قازاقپارات - مادريدتە يسپانيا مادەنيەت مينيسترلىگىنىڭ قولداۋىمەن قازاق ادەبيەتى جيناقتارىن يسپان تىلىنە اۋدارۋ، باسىپ شىعارۋ جانە ىلگەرىلەتۋ جوباسىنىڭ الەۋمەتتى قاتىسۋشىلارىمەن كەلىسسوزدەر اياقتالدى، دەپ حابارلايدى قازاقپارات ءتىلشىسى.

«رۋحاني جاڭعىرۋ» باعدارلاماسى اياسىندا جۇزەگە اسىرىلاتىن وسىناۋ قازاقستاندىق باستاماعا يسپانيانىڭ مادەنيەت مينيسترلىگى ستراتەگيالىق سەرىكتەس بولسا، جوبا كەڭەسشىسى رەتىندە «سەرۆانتەس ينستيتۋتى» بەكىتىلگەن. ءبىرقاتار ءىرى يسپاندىق باسىلىمنىڭ ۇسىنىستارىن قاراپ، سونىمەن قاتار ستراتەگيالىق سەرىكتەستىك ۇسىنىسىمەن قازىرگى قازاق ادەبيەتىنىڭ 2 انتولوگياسىن يسپان تىلىنە ادەبي اۋدارۋ، باسىپ شىعارۋ جانە تاراتۋ بويىنشا جۇمىستاردىڭ نەگىزگى وپەراتورى رەتىندە «Visor- Libros»  باسپا ءۇيى بەلگىلەنىپ وتىر.

سايكەسىنشە مەموراندۋمعا يسپان استاناسىنداعى قازاقستان ەلشىلىگىندە قول قويىلدى. قۇجاتتى «رۋحاني جاڭعىرۋ» باعدارلاماسىن جۇزەگە اسىرۋ جونىندەگى ۇلتتىق كوميسسيانىڭ حاتشىسى ايدا بالايەۆا مەن باسپا ءۇيىنىڭ پرەزيدەنتى حەسۋس گارسيا سانچەس راسىمدەدى. شاراعا قازاقستاننىڭ يسپانياداعى ەلشىسى كونستانتين جيگالوۆ پەن «ۇلتتىق اۋدارما بيۋروسىنىڭ» ديرەكتورى راۋان كەنجەحان ۇلى قاتىستى.


قازاق ادەبيەتى يسپان تىلىنە اۋدارىلادى

«Visor- Libros»  شەتەلدىك ادەبيەتپەن جۇمىس ىستەيتىن مامانداندىرىلعان باسپا سانالادى. باسپا رەداكتسياسى الەمنىڭ 10 نان استام ەلىنىڭ اقىن-جازۋشىلارىنىڭ شىعارمالارىن اۋدارۋ، باسىپ شىعارۋ جانە ىلگەرىلەتۋدە كوپ جىلدىق تاجىريبەگە يە. سونىمەن قاتار بۇل باسپا لاتىن امەريكاسى ەدەرى مەن سولتۇسىك امەريكانىڭ يسپان ءتىلدى حالىقتارىنىڭ اراسىندا كەڭىنەن تانىمال. قازاقستانمەن ىنتىماقتاستىق اياسىندا باسپا يسپانيادان تىسقارى جەردە دە قازاق ادەيەتىنىڭ انتولوگياسىن تاراتۋعا قاتىساتىن بولادى. ايتا كەتەرلىگى، يسپان ءتىلى تەك يسپانيادا عانا ەمەس، سونىمەن قاتار لاتىن امەريكاسىنىڭ 18 ەلىنىڭ حالقى ءۇشىن دە انا ءتىلى سانالادى. بۇل تىلدە الەمدە 600 ميلليوننان استام ادام سويلەيدى.

يسپاندىق باسپاگەرلەرمەن كەزدەسۋ بارىسىندا ايدا بالايەۆا: «بىزدەر ءۇشىن يسپاندىق وقىرماننىڭ جان-جۇرەگىنە دەيىن جەتەتىندەي اۋدارمانىڭ جوعارى ساپاسىن قامتاماسىز ەتۋ ماڭىزدى. شىعارماشىلىق ۇجىمدارىمىزدىڭ بىرلەسكەن جۇمىسى قازاق پەن يسپان مادەنيەتىن ودان ارى جاقىنداتا تۇسۋگە، ەلدەرىمىز اراسىنداعى قارىم-قاتىناستى نىعايتۋعا كوپىر بولادى»، - دەدى.

قازىرگى قازاق ادەبيەتىن ب ۇ ۇ- نىڭ 6 تىلىنە اۋدارۋ جۇمىستارى «جاھاندىق الەمدەگى قازىرگى قازاق مادەنيەتى» جوباسى اياسىندا جۇزەگە اسىرىلۋدا. جوبا اياسىندا قازىرگى قازاق ادەبيەتىنىڭ ەكى انتولوگياسى يسپان تىلىنە اۋدارىلاتىن بولادى. ولار: «قازىرگى قازاق پوەزياسىنىڭ انتولوگياسى» مەن «قازىرگى قازاق پروزاسىنىڭ انتولوگياسى». ءاربىرى شامامەن 500 بەتتەن تۇراتىن انتولوگيالارعا 60 قازاقستاندىق اۆتوردىڭ شىعارماسى ەنگىزىلگەن.

اۆتور: مارلان جيەمباي


باستى سوزدەر: ئقپالداستئق, مادةنيةت,
:ءبولىسۋ
ونلاين قىزمەتكەرلەر
مۇراعات