جازعى ازيادا: قاي ەلدەردە ءوتتى؟
بيىلعى ءباسى بيىك دودا يندونەزيانىڭ استاناسى دجاكارتادا جانە سۋماترا ارالىنىڭ ەڭ ۇلكەن قالاسى پالەمبانگتە 18- تامىز بەن 2- قىركۇيەك ارالىعىندا وتەدى.
بۇگىنگى تاڭدا يندونەزيا ەلى اتالعان قۇرلىقتىق باسەكەنى قابىلداۋدىڭ سوڭعى دايىندىق جۇمىستارىن پىسىقتاۋ ۇستىندە.
ازيادا ويىندارى العاش رەت 1951-جىلى ءۇندىستاننىڭ نيۋ-دەلي قالاسىندا ءوتتى. مىنە، سودان بەرى 17 رەت جالاۋىن جەلبىرەتتى. بيىل 18-رەت الاۋى تۇتانعالى وتىر. ويىنداردىڭ جالپى ۇزاقتىعى - اشىلۋ جانە جابىلۋ سالتاناتىن قوسا ەسەپتەگەندە كەم دەگەندە 7 جانە ەڭ كوپ دەگەندە 16 كۇننەن ارتىق ەمەس. ويىن حالىقارالىق وليمپيادا كوميتەتىنىڭ (ح و ك) قاداعالاۋىمەن ازيالىق وليمپيادا كەڭەسىمەن (ا و ك) رەتتەلەدى.
وسى ورايدا جازعى ازيادا ويىندارىن قانداي ەلدەر وتكىزگەنىن وقىرمان نازارىنا سالا كەتكەندى ءجون ساناپ وتىرمىز.
جازعى ازيادا ويىندارىن وتكىزگەن ەلدەر:
1951 - نيۋ- دەلي - ۇندىستان - I
1954 - مانيلا - فيليپپين - II
1958 - توكيو - جاپونيا- III
1962 - دجاكارتا - يندونەزيا- IV
1966 - بانگكوك - تايلاند - V
1970 - بانگكوك - تايلاند - VI
1974 - تەگەران - يران - VII
1978 - بانگكوك - تايلاند - VIII
1982 - نيۋ-دەلي - ءۇندىستان - IX
1986 - سەۋل - وڭتۇستىك كورەيا - X
1990 - بەيجىڭ - قىتاي - XI
1994 - حيروسيما - جاپونيا - XII
1998 - بانگكوك - تايلاند - XIII
2002 - پۋسان - وڭتۇستىك كورەيا - XIV
2006 - دوحا - كاتار - XV
2010 - گۋانجوۋ - قىتاي - XVI
2014 - ينچحون - وڭتۇستىك كورەيا - XVII
2018 - دجاكارتا - يندونەزيا - XVIII
اۆتور: كۇنسۇلتان وتارباي