اقتاۋ - «اقىلدى ۇيگە» قوسىلۋدى باستاعان العاشقى قالا
باسپا ءسوز مالىمەتتەرىنە قاراعاندا، بۇل ءونىم ناقتى ۋاقىت رەجيمىندە ۇيدە بولىپ جاتقان جاعدايلاردى باقىلاۋعا، وقىس جاعدايلار تۋرالى جەدەل اقپارات الۋعا مۇمكىندىك بەرەدى.
جاڭا سەرۆيستىڭ تۇساۋكەسەرىنە ماڭعىستاۋ وبلىسىنىڭ اكىمى ەرالى توعجانوۆ، «قازاقتەلەكوم» ا ق باسقارما ءتوراعاسى قۋانىشبەك ەسەكەيەۆ قاتىستى.
اقتاۋ قالاسىنىڭ 15-ىقشام اۋدانىنداعى №35 -ءۇي «قازاقتەلەكوم» ا ق قوسقان كۇزەت جانە ءورت قاۋىپسىزدىگىنىڭ زياتكەرلىك تەتىكتەرى بار قازاقستانداعى ەڭ العاشقى «اقىلدى ءۇي» بولدى.
«اقىلدى ءۇيدىڭ» سىمسىز بەينەكامەرا، قوزعالىس، ەسىكتىڭ اشىلۋ تەتىكتەرى قوسىلعان ءوزىنىڭ باقىلاۋشىسى بار. دەتەكتورلار قوزعالىستى، ەسىك نەمەسە تەرەزەنىڭ اشىلعاندىعىن، ءبىر نارسەنىڭ جانىپ جاتقاندىعىن لەزدە باعدارلايدى، ال بەينەكامەرا وقيعانى تىركەپ، سۋرەتتى ەسەپ جىبەرەدى. تۋىنداعان قيىندىق تۋرالى ءۇي يەسىنە سمارتفونعا ورناتىلعان ۇتقىر قوسىمشا ارقىلى جەدەل حابار بەرىلەدى. اتاپ ءوتۋ كەرەك، پاتەر يەلەرىنىڭ جابدىقتى ساتىپ الۋىنىڭ قاجەتى جوق، ءوتىنىم بويىنشا «قازاقتەلەكوم» ا ق جابدىقتى وزدەرى اكەلىپ، ورناتادى، قۇراستىرۋ ۋاقىتى 40 مينۋتتان اسپايدى.
«اقىلدى ءۇي» پاتەردىڭ كەشەندى قورعالۋىن قامتاماسىز ەتۋگە مۇمكىندىك بەرەدى. تۇرعىندار ەندى قاسكۇنەمدەردىڭ ۇيگە كىرۋى نەمەسە ءۇي يەسىنىڭ جوق كەزدە بولۋى ىقتيمال اپاتتارعا الاڭدامايتىن بولادى. جۇيە ۇيالى تەلەفونعا حابارلاما جىبەرىپ، كەز كەلگەن قيىندىق تۋرالى لەزدە ەسكەرتەدى. پاتەردە ناقتى نە بولىپ جاتقانىن جانە كومەك شاقىرۋدىڭ قانشالىقتى قاجەت ەكەندىگىن ۇتقىر قوسىمشا ارقىلى كىرىپ، كورە الادى.
سونىمەن بىرگە 35- ءۇيدىڭ تۇرعىندارى قازاقستاندىقتار اراسىندا كەڭىنەن قولدانىلاتىن «بۇلتتى بەينەباقىلاۋ» قىزمەتىنە قوسىلا الادى. «بۇلتتى بەينەباقىلاۋ» قىزمەتى ءبىزدىڭ ابونەنتتەرگە ءوز ءۇيىنىڭ جانىندا جانە پودەزدە بولىپ جاتقان وقيعالاردى ناقتى ۋاقىت رەجيمىندە ۇيالى قۇرىلعىسى نەمەسە دەربەس كومپيۋتەرىنىڭ كومەگىمەن باقىلاۋعا مۇمكىندىك بەرەدى.
جوبانىڭ ەرەكشەلىگى: سۋرەتتىڭ ساپاسى وتە جوعارى، كىرگەن ادامنىڭ بەت-بەينەسىن ءدال ايىرۋعا بولادى جانە ارحيۆتەگى بەينەجازبالارعا وڭاي قول جەتكىزەدى، جازبالار 7 كۇنگە دەيىن ساقتالادى. پودەزگە ءبىرىڭعاي بەينەباقىلاۋ جەلىسىنە قوسىلعان ەكى بەينەكامەرا ورناتىلادى، ولار پودەزدەرگە كىرەبەرىس پەن ولاردىڭ الدىنداعى اۋلا الاڭدارىن تۇسىرەدى.
بۇل باعىتتاعى جوبا اياسىندا «قازاقتەلەكوم» ا ق اعىمداعى جىلى اقتاۋ قالاسى مەن جاڭاوزەن قالاسىندا 250 ۇيگە 1650 بەينەكامەرا ورناتىپ، كوپ قاباتتى تۇرعىن ءۇي سەكتورىنىڭ 62 مىڭنان استام تۇرعىنىن «بۇلتتى بەينەباقىلاۋ» قىزمەتىنە قاتىناۋىن قامتاماسىز ەتەدى.
كەزدەسۋ بارىسىندا «قازاقتەلەكوم» ا ق-نىڭ تاعى ءبىر جاڭا ءونىمى - «اقىلدى ت ك ش» قىزمەتى تانىستىرىلدى، پاتەرلەر مەن ۇيلەرگە كۇن سايىن تۇتىنىلعان سۋدىڭ، گازدىڭ، ەلەكتر ەنەرگياسىنىڭ نەمەسە جىلۋدىڭ سانى تۋرالى رەسۋرستىق كومپانياعا حابارلار بەرىپ وتىراتىن اقىلدى قۇرالدار ورناتىلادى.
«اقىلدى ت ك ش» رەسۋرستاردىڭ ناقتى قانشا پايدالانىلعاندىعى، ءتۇرلى اۆاريالىق جاعدايلار نەمەسە ۇرلىق كەزىندەگى شىعىننىڭ قانشا ەكەندىگى تۋرالى وزەكتى اقپاراتتى الۋعا مۇمكىندىك بەرەدى. بۇل ءونىم رەسۋرستىق كومپانيالاردىڭ «كۇردەلى» ورىنداردى انىقتاۋىنا جانە ولاردى جوندەۋ جۇمىستارىن جوسپارلاۋ مۇمكىندىگىمەن قالپىنا كەلتىرۋىنە ىقپال ەتەدى.