00:08, 13 - شىلدە 2018 | GMT +6
بريتان حانزادالارىنىڭ ايەلدەرىنىڭ نە ءۇشىن قالپاق كيىپ جۇرەتىنى بەلگىلى بولدى
استانا. قازاقپارات - ادەپ ەرەجەلەرى بويىنشا كەڭەسشى ديانا ماتەر بريتاندىق تاق مۇراگەرلەرىنىڭ جۇبايلارى كەيت ميددلتون مەن مەگان ماركلدىڭ قانداي جاعدايلاردا قالپاق كيىپ جۇرۋگە مىندەتتى ەكەنىن ايتىپ بەردى.
بۇل تۋرالى The Sun حابارلادى، دەپ جازادى Stan.kz اقپاراتتىق اگەنتتىگى.
بريتان حانزادالارىنىڭ ايەلدەرىنىڭ نە ءۇشىن قالپاق كيىپ جۇرەتىنى بەلگىلى بولدى
«1950 -جىلدارعا دەيىن باس كيىمسىز جۇرگەن ايەلدى كەزدەستىرۋ مۇمكىن بولمايتىن. سەبەبى، ول ۋاقىتتا قوعامدىق ورىنداردا شاش كورسەتىپ ءجۇرۋ ادەپسىز سانالاتىن. ءبىراق ءقازىر ءبارى وزگەردى. ايەلدەر قالپاقتى تەك رەسمي وقيعالار كەزىندە عانا كيەتىن بولدى. سوندىقتان دا بريتاندىق تاق مۇراگەرلەرىنىڭ ايەلدەرى پاتشالىق قابىلداۋلارىندا جانە رەسمي ساپارلاردا قالپاق كيىپ شىعادى. ال، تۋعان كۇن نەمەسە ۇيلەنۋ تويلارىندا قالپاقسىز جۇرە بەرەدى»، - دەپ ءتۇسىندىردى ماتەر.
سونىمەن قاتار، ايەلدەرگە كەشكى التىدان كەيىن باس كيىم كيۋگە بولمايدى، سەبەبى بۇل پاتشالىقتىڭ كيىم-كيۋ ەرەجەلەرىن بۇزۋ دەپ سانالادى.