ىستىقتا جۇرەك تالماسىنان قالاي ساقتانامىز؟

 استانا. قازاقپارات - جاز - جۇرەك اۋرۋى بار ادامدارعا قاۋىپتى ۋاقىت.

تەمپەراتۋرا جوعارى، اۋادا وتتەگى از، ورمان ورتتەرىنىڭ سەبەبىنەن كوشەدە ءتۇتىن بار. مۇنىڭ بارلىعى اعزاعا كۇش ءتۇسىرىپ، جۇرەككە «اپات» شاقىرۋى مۇمكىن.

ونىڭ ءتىپتى، «جازعى ينفاركت» دەگەن رەسمي ەمەس اتاۋى دا بار. ودان قۇتىلۋ ءۇشىن نە ىستەۋ كەرەك؟

1. فيزيكالىق كۇش تۇسىرۋدەن اباي بولىڭىز جازدا ساياجايدا نەمەسە باقشادا جۇمىس ىستەگەن جاقسى، ءبىراق ول دەنساۋلىقتان ماڭىزدى ەمەس. سوندىقتان ساعات 12-17 ارالىعىندا كۇننىڭ استىندا جۇرمەۋگە تىرىسىڭىز. سپورتپەن اينالىسۋ، دۇكەننەن ازىق- تۇلىك تاسۋ جانە ارام ءشوپ جۇلۋدى تاڭعى نەمەسە كەشكى ۋاقىتقا قالدىرىڭىز. باسىڭىزدى تومەنگە قاراتىپ، ۇزاق جۇمىس جاساماڭىز. اراسىندا ءۇزىلىس جاساپ تۇرۋ كەرەك.

2. كوپ مولشەردە سۋ ءىشىڭىز ىستىق كەزدە كۇنىنە 6 ليترگە دەيىن تەر جوعالتۋعا بولادى. ال ونىمەن بىرگە جۇرەك جۇمىسىنا قاجەتتى كالي مەن ماگني قورى دا كەتەدى. سونىمەن قاتار، سۋ از بولسا، قان قويۋلانىپ، ۇيىعان قان ءتۇزىلۋ قاۋپى جوعارىلايدى.

3. سۋىق سۋعا سۇڭگىمەڭىز تەمپەراتۋرانىڭ بىردەن تومەن تۇسۋىنەن كەڭەيگەن قان تامىرلارى لەزدە تارىلىپ، ينفاركقا اكەلۋى مۇمكىن.

4. كەپتەلىستى اينالىپ وتۋگە تىرىسىڭىز ۋلى گازدار وتتەگىنىڭ جەتىسپەۋىنە اكەپ، جۇرەك جۇمىسىن قيىنداتادى.

5. تويىپ تاماق جەمەڭىز ءبىز تاماق ىشكەندە قان ىشەك- قارىن جولى تامىرلارىنا قۇيىلادى. ەگەر قان تامىرلارىندا ماسەلە بولسا، باسقا مۇشەلەر ونى الا الماي قالۋى مۇمكىن. ال ول جۇرەك جۇمىسىنا كەدەرگى كەلتىرەدى. مۇنداي جاعداي ورىن الماس ءۇشىن تاماقتى از-ازدان جەڭىز. قىزىل ەت، جانۋار مايى جانە تۇزدى ازايتىپ، جەمىس- جيدەكتەر مەن كوكونىستەر ۇلەسىن كوبەيتىڭىز.

6. الكوگول ىشپەڭىز سپيرت قان تامىرلاردى كەڭەيتىپ، جۇرەك- قان تامىرلى جۇيەگە كۇش تۇسىرەدى. ول ىستىقپەن بىرگە اعزاعا ەكى ەسە سوققى بەرەدى.

7. ينفاركت بەلگىلەرىن ەستە ساقتاڭىز ەگەر مىنا تىزىمنەن بىرەۋىن سەزسەڭىز، بىردەن جەدەل جاردەم شاقىرىڭىز: - باس اۋرۋى؛ - تالۋ؛ - باس اينالۋ؛ - كوزىڭىزدەگى ەسەلەۋ؛ - اياق- قول نەمەسە بەتتەن جان كەتىپ قالۋى؛ - سول جاق توسىڭىزدەگى اۋرۋ؛ - جۇرەك تۇسىنداعى اۋىرتپالىق؛ - قىسىلۋ؛ - سەبەپسىز قورقىنىش.