19:54, 12 - شىلدە 2018 | GMT +6
الماتى پوليتسياسى زاڭسىز اعاش كەسكەندەردى ۇستادى
الماتى. قازاقپارات - الماتى پوليتسياسى قالانىڭ اربات الاڭىنداعى اعاشتاردى زاڭسىز كەسكەندەردى ۇستادى، دەپ حابارلايدى قازاقپارات ءتىلشىسى.
پوليتسياعا بەرگەن جاۋابىندا جۇمىسشىلار عيمارات يەسىنىڭ اعاش كەسۋگە رۇقسات قاعازى بار دەپ الداعانىن ايتقان.
«عيمارات يەسى شەتەلدە بولعاندىقتان، ونىڭ قالاداعى وكىلى ۇستالدى. ەندى وعان قاتىستى اكىمشىلىك شارا قولدانىلىپ جاتىر»، - دەدى اكىمدىكتەن.
ايتا كەتۋ كەرەك، بۇگىن جىبەك جولى، 104 -مەكەنجايىنداعى عيمارات يەسى 4 جاپىراق تۇقىمداس اعاشتى زاڭسىز كەسىپ تاستاعانىن حابارلاعان بولاتىنبىز.