بەلارۋستەگى جۇلدىزدار الاڭىندا روزا رىمبايەۆانىڭ جۇلدىزى قويىلدى

استانا. قازاقپارات - بەلارۋستىڭ ۆيتەبسك قالاسىنداعى «جۇلدىزدار الاڭىندا» قازاقستاندىق تانىمال ءانشى روزا رىمبايەۆانىڭ جۇلدىزى ورناتىلدى، دەپ حابارلايدى «قازاقپارات» ح ا ا ءتىلشىسى.

بۇل تۋرالى ءانشىنىڭ ءوزى ينستاگرامداعى پاراقشاسىندا مالىمدەدى.

ءانشى وسى كۇندەرى بەلارۋستە ءوتىپ جاتقان «سلاۆيان بازارى» ونەر فەستيۆالىنىڭ ۇيىمداستىرۋشىلارىنا جانە ەل پرەزيدەنتى الەكساندر لۋكاشەنكوعا العىس ءبىلدىردى.

 ەسكە سالا كەتەيىك، «ۆيتەبسكىدەگى سلاۆيان بازارىنىڭ» «شەكاراسىز فەستيۆالى» 11 - شىلدەنى قازاقستاننىڭ ونەر شەبەرلەرىنە ارناعان بولاتىن. وندا «ۇلى دالا ونەرى» گالا- كونسەرتى قويىلدى، جەرگىلىكتى كورەرمەندەر روزا رىمبايەۆا، ناعيما ەسقاليەۆا سىندى ونەر يەلەرىمەن قايتا قاۋىشىپ، الىشەر كاريموۆ، ديماش قۇدايبەرگەن سەكىلدى جاس تالانت يەلەرىنىڭ ونەرىنەن سۋسىندادى.

كينوباعدارلاما اياسىندا رەجيسسەر اقان ساتايەۆ پەن پروديۋسەر ءاليا نازاربايەۆانىڭ «اناعا اپارار جول» تاريحي دراماسى قويىلدى.