ادامدار باسىن بوتەلكەدەن شىعارا الماي قالعان قاسقىرعا كومەكتەستى
قاسقىر اشتىقتان ءولىپ كەتە جازداعان.
وقيعا ءۇندىستاننىڭ ناگپۋرە كولىندە بولدى. ونى ورماندى سۋرەتكە تۇسىرۋگە كەلگەن فوتوگراف قۇتقارىپ قالدى. اشتىقتان ءال-دارمەنى قالماعان جىرتقىش ارەڭ قوزعالا باستاعان. فوتوگراف ونىڭ سۋرەتتەرىن جەلىگە جاريالاعانى سول بويدا الەمگە تەز تاراپ كەتتى. بۇل سۋرەت قورشاعا ورتانى قورعاۋ سيمۆولىنا اينالۋى مۇمكىن.
26 جاستاعى تانايۋ پانپاليا ەسەپشى بولىپ جۇمىس ىستەيدى، بوس ۋاقىتىندا سۋرەتكە تۇسىرەدى.
باسىمەن الەك بولعان قاسقىرعا تۇقىمداس قاسقىرلار الىستان قاراپ تۇرعان. قۇتقارۋشىلار كەلگەندە دە ۇزاپ كەتپەي الىستان باقىلاعان.
قاسقىردىڭ باسىنداعى ادامدار تاماعىمەن تاستاپ كەتكەن پلاستيكالىق ىدىس. قۇتقارۋشىلار جىرتقىشتىڭ تەمپەراتۋاسى كوتەرىلگەندىكتەن ەكپە سالىپ، ءبىراز كۇتىم جاسادى.
قاسقىر وزىنە كەلگەندە ەشكىمگە شابۋىلداماستان كەتە باردى. ول ادامداردىڭ وزىنە كومەكتەسىپ جاتقانىن جاقسى ءتۇسىندى. قاسقىر ورمانعا قاشىپ كىرىپ كەتتى. فوتوگراف ونىڭ بوساعان ءساتىن سۋرەتكە ءتۇسىرىپ ۇلگەرمەي قالدى.