+7 (701) 759 90 19 Лента
21 °С : استانا
18 °С : الماتى
USD 356.54 EUR 419.43
RUB 5.42 CNY 51.86
جاڭالىقتار

ايەل اكىم پارامەن ۇستالدى

12 شىلدە 16:33 336
:ءبولىسۋ
ايەل اكىم پارامەن ۇستالدى

استانا. قازاقپارات - الماتى وبلىسىنا قاراستى قاراساي اۋدانى، ەلتاي اۋىلدىق وكرۋگىنىڭ اكىمى باقىتگۇل جۇمانبايەۆا جەر تەلىمدەرىن تاراتۋدىڭ قىلمىستىق سحەماسىن ۇيىمداستىرعان، دەپ حابارلايدى قازاقپارات ءتىلشىسى.

ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگىنىڭ رەسمي وكىلى نۇرجان ءجاحيننىڭ ايتۋىنشا، وكرۋگ اكىمى جەر تەلىمدەرىن تاراتقانى ءۇشىن جالپى سوماسى 2,5 ميلليون تەڭگە كولەمىندە پارا الدى دەگەن كۇدىك بار.

«بۇدان باسقا، جەردى نىسانالى پايدالانۋدى جەكە قوسالقى شارۋاشىلىعىنا وزگەرتكەنى ءۇشىن 20,5 ميلليون تەڭگە تۇراتىن 1 گەكتار جەردى سىياقى رەتىندە العان. قازىرگى كەزدە كۇدىكتى ءۇيقاماققا الىندى. ءىس پروكۋراتۋراعا جولداندى»، - دەدى ن. جاحين استانادا وتكەن باسپا ءسوز ءماسليحاتىندا.

بۇدان بولەك، الماتى وبلىستىق قۇرىلىس باسقارماسى زاڭ ءبولىمىنىڭ باسشىسى بيسەرىك پارامەن ۇستالدى. ول ءبىر كاسىپورىندى جوسىقسىز ءونىم جەتكىزۋشىلەر رەەسترىنە قوسپاعانى ءۇشىن 10 ميلليون تەڭگە كولەمىندە زاڭسىز سىياقى الدى دەگەن كۇدىك بار. سوت سانكسياسى بويىنشا بيسەرىك قاماۋعا الىندى.

«سونداي-اق، قۇرىلىس نىساندارى بويىنشا ارالىق جۇمىستار اكتىسىنە قول قويعانى ءۇشىن 100 مىڭ تەڭگەنىڭ پاراسىن العان ينجەنەرلىك جەلىلەر قۇرىلىسى ءبولىم باسشىسىنىڭ مىندەتىن اتقارۋشى قۇلجانوۆتىڭ ارەكەتى اشكەرەلەندى. ول ءوز كىناسىن تولىعىمەن مويىندادى. سول سەبەپتى وعان قاتىستى پروتسەسسۋالدىق ۇستاۋ شاراسى قولدانىلعان جوق. سوتقا دەيىنگى تەرگەۋ جۇرگىزىلۋدە»، - دەپ اتاپ كورسەتتى ن. جاحين.

  


باستى سوزدەر: ايماق,
:ءبولىسۋ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
مۇراعات